Hato ki paidbah ki iaroh ia ka MDA 2 namar ki kam pynroi lyngba ka Commerce bad Science ha ki College ha Williamnagar, Baghmara bad Sohra, ban ioh plie noh

Shillong Lber 04 :U Myntri Rangbah ka Jylla Conrad K Sangma ula pynbna ia ka rai bala shim ban pynsdang noh ia ka tnad pule Commerce bad Science ha ki College ka Sorkar ha Williamnagar, Baghmara bad Sohra, ha ka jingialang plie ia ka Academic Block bad ki Hostel ki Kynthei bad Shynrang jong ka Captain Williamson Memorial Government College kaba don ha Baghmara.
Haba shim bynta ia ka jingpynbna ha ka jingialang kaba la long ha Baghmara myn ha ka 4 tarik u Lber 2024.
Ban pynsdang noh ia ka tnad pule Commerce bad Science ha ki lai tylli ki College Sorkar bad shen ka kynhun Myntri kan iakynduh bad ai jingmynjur ia kane la rai iathuh u Myntri Rangbah.
Ha ka jingbym don ka tnad pule science bad commerce ha kine ki college Sorkar, da ki hajar ngut ki samla kynthei bad shynrang na ki jaka nongkyndong kila hap ban wan sha Tura ban rung klas ha ka Tura Govt College bad Don Bosco College.
Shuh shuh kane ka ktah ban pynlut bun bha ia ki longiing ba duna jingioh namar ka jinghap sah ha ki hostel shimet lane shong wai kane ka pynlong ia ka Sorkar ban phai khmat.
ka Sorkar ka don jingangnud ban kyntiew ia ka jingpule science bad commerce haba buh hakhmat ia ka jingnep jabieng jong ki samla ka Jylla iathuh u Conrad.