Shillong, K’lyngkot 19 : Ki bor District ka East Khasi Hills, kila khang lynti ia u MLA ka Mawlai Brightstarwell Marbaniang lem bad 2 ngut ki Nongialam ka Liang Pyrshah Voice of the People Party (VPP), kiba dang thmu ban leit shong kyllain mungor hajan Secretariat.
Ha ka jingkhang ki bor District ki Nongialam ka VPP da ki Pulit bad ka Magistrate ha Kashari Point katba ki dang iaid lynti ban leit sha ka jaka bala pynbna ban shong kyllain mungor khamtam ia u bah Brightstarwwel Marbaniang
Ka Deputy Commissioner ka East Khasi Hills kala phah ia ka shithi sha ka VPP ba kyrpad ban nym pynlong ia ka jingiakhih namar ka jingdon ka jingialang jong ka NEC ba pyniaid da u Myntri kam Pohiing ka Ri u Amit Shah.
Kala pynkynmaw ruh ia ka jingtreikam jong ka kynhun 144 CRPC ba khang ban ialum paidbah, iakhih ha ki jaka ba jngai 200 meter na Secretariat, Additional Secretariat bad Raj Bhavan.
Ka Sorkar jylla kala dep pynshai ba ka jingthung bad jingweng kam ia ki dkhot ka Lokayukta ka shong ha u Lokayukta bad ba ka Sorkar kam don bynta eieie hynrei tang ka jingphah ia ki kyrteng sha u Lokayukta ba un shim rai.
Hynrei wat hapdeng kane ka jingpynshai, ka VPP kam shym la pynsngap satia bad ieng ha ka nongrim ba ka jingweng kam ka dei namar ba kine ki Ophisar ki dei kiba khyllie ia ki kam bamsap hapoh GHADC