Shillong 16 Iaiong – Ka Meghalaya State BJP ka pynrem bad kynthoh ia ka Seng Congress ba ka ju mlien ban beiñ ban khoh ha ka kyrteng jong ki rit paid ha ka Ri India hynrei ialade ka ngat ha ka apot shah mudui ia ki arngut ki heh Seng kata ka Sonia Gandhi bad u khun jong ka u Rahul Gandhi iathuh u bah Wankitbok Pohshna State General Secretary jong ka BJP Meghalaya.
Utei u Heh BJP ha Jylla meghalaya ha jingiakynduh sha ki lad pathai khubor ha Ophis treikam jong ka Seng u la ong ka Enforcement Directorate ka la Chargesheet pyrshah ia ki Nongialam jong ka Congress kynthup ia ka Sonia Gandhi bad u Rahul Gandhi haba iadei bad ka Case halor ka kot khubor National Herald .
Ka Congress ba ju kam ba ka ïeng ha ka kynhun jong ki Gandhian kaba ialap na ka bynta ki kynhun rit paid bad kiwei kiwei kumno ka Congress ka la leh ia ka case jong ka National Herald.
Ka National Herald ka dei ka kotkhubor kaba la pymih naduh ki por ba ka ri ka ialeh ban ioh ia ka jinglaitluid , bad ia kane ka National Herald la seng da ki nongialeh laitluid ha kito ki Snem .
Shuh shuh u bah Pohshna u iathuh ba ka Konggres ka longïing jong ka Sonia Gandhi bad Rahul Gandhi ki pyndonkam bakla ia kine ki aiñ . U la ong ba ia kane ka kot khubor ki kynshew pisa kylla na ka Fund jong ka party ban pyllait ia kata ka ram kaba la kot sha ka 90 klur .
Katkum ka aiñ ka khang pyrshah ia kino kino ki Politcal Party ban khaïi pateng , ka Congress ka leh pyrshah bad bei pisa 90 klur ban pyllait ia ka National Herald na ka ram, hynrei la thied kylla da ka Company kaba kyrteng ka Young India Pvt Ltd, bad ia Young India Pvt Ltd la Seng da ki kynhun kumba 4 5 ngut bad 2 ngut na kita ki don ka bhah haduh 76 percent bad kita ki 2 ngut ki dei ka Sonia Gandhi bad u Rahul Gandhi.