Nalor kaba pynjot pynpra ia ki jaka sah jong ki lehnoh ha Pakistan ha ka jingtherbom jong ka India ka la don ruh ka jingshah pynjulor kaba jur ka jaka sah Headquarter jong ka seng lehnoh Jaish e Mahammad lem bad kiba haiing hasem jong u hehduh kane ka seng.
U hehduh jong ka seng lehnoh Jaish e Mahammad, U Maulana Masood Azhar u la pynthikna ba ki la don kumba 10 ngut kiba haiing jongu kynthup kiba iajan bad u kiba la iap ha ka jingthermom jong ka India ia ki jaka sah ki lehno ha ka Ri Pakistan.
Napdeng kiba ki 10 ngut kiba la iap ki kynthup ia ka para jongu, u lok jong ka para jongune uheh duh kane ka seng lehnoh kynthup ruh ki nongbud jongu. Kane ka jingkhlad ka dei ka jingshah kyrwit ha jaka sah Headquarter jong kane ka seng lehnoh kata ha Bahawalpur, Pakistan.
Ki khubor ki iathuh ba na ka liang jong kane ka seng lehnoh ka la khie bitar ia ka India bad ki lah ban pynphai kylla lyngba ki kam thombor jongki pyrshah ia ka India.
Na ka liang jong ka India ka la ther bom ia kane ka headquarter jong kine ki lehnoh hadien ba ka la ioh lum ia ki jingtip kiba bniah ba dei ha kane ka jaka ba utei u hehduh ka seng lehnoh u shong u sah bad plan ia ki kam thombor pyrshah ia ka India.
