Iarap u Conrad K Sangma ia ka kong Ampareen ban Jubab ia ka jingkylli ba buh u Bah Lahkmen Rymbui.

Shillong, Rymphang 20 : Ki paidbah kiba shong ba sah ha thaiñ baroh ki dei kiba ju I’m bad rep ban die tang da u kwai bad u tympew hynrei ki ïakynduh mawsiang bym biang ka jingpyniaid iew, na ka liang u MLA ka War Jaiñtia u Bah Rymbui u wanrah ia katei kaat ban iakren ha Iing Dorbar Thaw Aiñ jong ka Mang Tyngka.
U Bah Lakmen Rymbui haba iatai ia ka mat jingkren jong u Lat ha kaba iadei bad ka rep ka riang u kyntu
ia ka Sorkar ban pyrkhat noh ha kaban buh ia ka processing unit ha Amlarem ban kyntiew ia ka jingpynmih kwai bad jingpyniaid iew.
Ka Myntri kam rep ka Jylla Kong Ampareen Lyngdoh haba jubab ia ka jingkylli jong u MLA UDP na War Jaiñtia ka iathuh 46 tylli ki processing unit ba kynthup ia ka working shed, de-husking machines, solar tunnel dryers bad soaked pits la dep ban shna ha ki 21 tylli ki Block jong ki 10 tylli ki District. Ka jingpynlut ia kine kala kot haduh T. 14.06 klur.
Shuh shuh na ka liang u Myntri Rangbah haba iarap ban Jubab lang ia ka jingkylli jong u bah Lakmen Rymbui ula kular ba ka Sorkar kan sa shong bishar ia ka jingtyrwa ban wanrah noh da ka Minimum Support Price (MSP) ia u kwai.Ba ka dor jong u kwai bala thad tyrkhong u iaid iew palat 10 shah ia ka dor bad bynrap “Kumta, ka jingpynmih mar da u kwai ka dei ka lynti ban pyniaid shakhmat”.
U Conrad ula pyntip ba artylli na ki 46 tylli ki processing unit kila don ha Amlarem. Ula ong ba jan kumba T. 41 lak la kynshew pisa nalor ka T. 1 klur kaba la dep ban pynlut.