Iaroh U PM modi ia ki shipai India, kiba la lah ban pyndep hok ia ka Operation Sindoor.

U Modi, myntri rangbah duh, ha ka sngi Nyngkong, ula ai jingkren sha ka jaitbynriew bad ula iaroh ia ki shipai India, kiba la lah ban pyndep hok ia ka Operation Sindoor.
Shi sngi hadien ka jingkren ba shyrkhei jong u Myntri Rangbahduh ka ri u Narendra Modi sha ka jaidbynriew halor ka jingjop jong ka Operation Sindoor ba la sdang da ki shipai India pyrshah ïa ki jingtei jong ki kam lehnoh jong ka Pakistan, ka sorkar Pakistan ka la ong ba ka “kyntait ïa ki jingkynthoh ba pynkhihwin bad pynkhihwin jong u PM ka India”.
U Myntri Rangbahduh ka ri u Modi ha ka sngi Nyngkong u la kren sha ka jaitbynriew bad u la ïaroh ïa ki shipai India kiba la lah ban pyndep hok ïa ka Operation Sindoor, kaba la pynjot ïa ki jingtei ba kongsan jong ki lehnoh bad pynduh jait ïa ki phew ngut ki lehnoh, katto katne na ki ki dei kiba “don dor bha”.
Ha ki jingmaham ba tyngeh ia ka Pakistan, u Modi u la ong ba ka India ka la shu sangeh noh ia ka jingpynshitom bein ia ki lehnoh bad ki ktem shipai jong ka ri bad kam shym la pynkut noh ia ka, da kaba bynrap ba ia ka jingsangeh thma la pan nyngkong da ka Islamabad .
U Modi u la ong ruh “ka jingtieng ne ka jingiakren kim lah ban iaid ryngkat, ka jingtieng bad ka khaii pateng kim lah ban iaid ryngkat bad ba ka um bad ka snam ruh kim lah ban iaid ryngkat”.
Ka tnad bar ri jong ka Pakistan, haba kynthoh ïa ka jingkren jong u Modi, ka la ong ba ka ri “ka dang ïaineh ha ka jingïasngewthuh jingmut ban sangeh thma dang shen, da kaba shim ïa ki sienjam kiba donkam sha ka jingpynjem ïa ka jingeh, ka jingshong suk shongsaiñ ha ka thaiñ,” ong ka Reuters.