Shillong, 22 Tarik Lber:Haba kynthoh halor ka jingiatainia debate jong ki 2 ngut ki Nongiasaidain kata U Bah Arwin Syiem Sutnga, Bah Robertjune Kharjahrin bad U Bah Ardent M Miller Basaiawmoit Nongialam jong ka Voice of the People Party (VPP) U Bah Sainkupar Nongtraw General Secretary ka HNLC u la ong ba ka long kumba hap ban jied ia ki 2 tylli ki Uniform kiba ai da U Kynrad kawei kaba shna da u ksai ryndia bad kawei apt na u kynphad.
U Bah Sainkupar Nongtraw haba u thoh ha ka facebook account jongu u la ong “Ban iatai nia la ka Article 371 ne ka Sixth Schedule kaba khambha ka long thik kum kito ki mraw kiba hap ban jied ia ar tylli ki uniform kiba ai da u kynrad kawei kaba shna na u ksai ryndia bad kawei pat na u kynphad.
Shuh shuh u la ong kampher, wat la ka jain ka long kaba itynnad katno katno ruh, ka dang dei ka jain jong ka jinglongmraw. Ka jinglaitluid kaba shisha ka dei ban bthat ban laitluid ym ban jied ia u kynjri uba khambha.
Lah ban kdew hangne ba na ka liang jong ka Sankerdev College hynnin ka sngi ka la pynlong ia ka jingiatainia lane ka debate halor ka mat lah ka article 371 lane ka sixth schedule ha kaba kitei ki 2 ngut ki nongiasaidain lem bad u bah Ardent ki la pynksan ia la ki jong ki nia ki jutang.
Na ka liang jong ka College ka la ong ba kane ka jingiatainia ka long na ka bynta ki paidbah ba kin shai namar ka la don ka jingia pyninia lyngba ki lad pathai khubor halor kitei ki art ylli ki mat bad kane ka jingiatainia ka long
