Shillong, Naiwieng 14 – U nongialam ka seng Congress bah Cores Marwein uba dei u Secretary ka Nongpoh Block Congress u la ai ia ka shithi resign kyndit kyndit ha u President ka MPCC u bah Vincent H Pala ha Congress Bhavan Shillong. Ha ka jingleit ai shithi iehnoh Kam jong u Bah Cores ka dei nàmar ka jingiaid lait ki heh nongialam ia ki block level iathuh u Bah Cores Marwein. U Bah Cores u iathuh ma U, um dei u nongkit kam hapoh ka party hynrei hadien bala mih noh u MLA bah Maralborn Syiem bad u MDC u bah Balajied Rani, u President ka MPCC u la wan khot ban lum ban lang biang ia ka party Congress ha Nongpoh Konstitwensi. U Cores Marwein u Secretary ba dei peit ia ka Nongpoh Konstitwensi la ong ba naduh ka sngi kaba u thep nyngkong haduh u snem 2019 u thep ia ka vote jong u ha ka Congress. U Cores Marwein u iathuh ka nongrim um kwah shuh don ha ka Congress nàmar ki leh bym suidniew ia ki bad Ki nongkyrshan congress na ki 128 tylli ki shnong kiba u juh leit ban ia syllok kim kwah shuh ban don ha ka party Congress namar ba ka jingthep ia ki kyrtong dei kiba wan na kawei party kam don jignmut shuh ban don ha ka party Congress kumta u hap ban mih noh na ka Congress. Kaei pat phin Leh haba phi iehnoh ia ka Seng Congress ha ka jingkylli ki lad pathai khubor na ka liang u Bah Cores Marwein u iathuh un leit phai sha ka kam iakura kaba Ki don baroh shikatta.