ka kynhun ki riew ngeit Hindu, ka Gau Pratishtha Andolan ka la pynkhreh ban pyllong ia ka jingiaid rally ha nongbah Shillong ha ka 2 tarik Risaw ban wan, ban pynbna ia ka masi kum ka kmie ka ri India, ha kaba ym shah shuh ban bam doh, ban pyniap ia ka.
Na ka liang ka Saiñ pyrthei ka jylla Meghalaya ka UDP lyngba u President ka UDP u bah Metbah Lyngdoh ula ong ba ka jingthmu jong ka kynhun ki riew ngeit Hindu ban khang bam doh masi, kam long kaba bha bad kan long ka jingpynwit ia kiwei.
Haba kren ha u lad pathai, u bah Metbah ula ong ba kam long ia ka kynhun ban wanrah ia ka jingthmu kaba kum kane kaban wanrah ia ka jingthut bad ka jingpynwit ia kiwei.
U la ong ba dei ban burom mar kylliang, kano kano kaba ki ngeit ki leh, kim dei ban pynwit pat ia kiwei pat khlem.