Shillong – Halor ka jingpynkynriah kam ïa u nongpynrung kyrteng, u nongpynïaid ba kyrpang(ki nongpule) , u Ophisar ba don ha ka kamram ba kyrpang (U nongpynïaid, ka dorbar pynroi kolej) bad u nongpeit ïa ka ïing nongwan jngohkai”
U Vice Chancellor ka North Eastern Hills u Prof. P.Shukla Shankar ha jingiakynduh sha ki lad pathai khubor ha Shillong Press Club u iathuh ka jingweng kam ia u Registrar, Col. Omkar Sing bad u Deputy Registrar (Academics), ym lah ban pyntreikam da kaba pynshong nongrim ha ki rai ba shiliang ne ka jingsngew shimet.
U VC u iathuh Ia kine ki heh kiba kynthup ia u Registrar bad Deputy Registrar la thung hadien ka jingpeit bniah kaba bniah bad ka jingiakren kaba pura. La bynrap ki bynta bad ka jingbteng jong ki ha ka jingshakri la synshar ha rukom treikam ha ka lynti kaba dei, ym da ki rai kiba shu shim kylliang na kano kano ka bor synshar, kynthup ia u Vice-Chancellor.
U Proff. Shukla u iathuh kumba la paw ha ki lad pathai khubor, ki seng kum ka NEHUTA, NEHUNSA, bad NEHUSU ki la dep ban rah ïa ki jingeh jong ki sha ka sorkar, kynthup ïa u President ka Ri India.
Lada ka sorkar ka suba ba don kino kino ki jingleh bym hok, ka lah ban pyrkhat ban thaw ia ka komiti tohkit ban bishar bniah ia kane ka kam. Hynrei haduh mynta kam shym la don kano kano ka jingpyntip na ka Ministry lane na ka ophis jong u President sha ka ophis jong u Vice-Chancellor kaba pyni ia kum kane ka jingleh iathuh u VC.
Ka long kaba donkam ban tip ba ka jingpynkut noh ia ka kam jong u nongtrei sorkar kam lah ban jia khlem ki daw kiba biang bad kiba thikna. Lada don shisha ki jingsngewkhia ne ki daw na ka bynta kano kano ka jingleh kaba kum kata, ka jingtreikam kan sdang da ka jingtohkit, ym da ka jingpynkut noh mardor.
Ha kaba iadei bad ki kam jong u OSD (Director, College Development Council), nga la leit sha kiba bun ki professor ban pyrkhat ban shimti ia katei ka kam, hynrei ym don ba ai jingmynjur. Nga dang nud ban thung ïa kino kino ki Professor kiba la kloi ban trei kum u Director jong ka College Development Council bad kum ïa ki Guest House Incharge, ka NEHU mynta ka ïakynduh ïa ka jingduna ki nongtrei ki bym dei ki nonghikai. La dep pynmih ïa ki jingpynbna na ka bynta ki kam bym dei ki nonghikai, bad watla ka National Testing Agency (NTA) ka la kyntait ban pynlong ïa ki eksamin thung kam bym dei ki nonghikai, hynrei ngi la ïaid shakhmat da kaba tender ïa kiwei pat ki agency.
U pynsngew bun ki tnad ki la pyni ia ka jingsngewtynnad, bad ynda la plie biang ia ka ophis jong u Registrar (mynta la khang namar ki jingiakhih), kine ki file kin iaid shakhmat. Ynda la dep pyndep ia ka rukom thung kam, ka kam jong u Nongpeit ia ka iing nongwan kan sa kut noh da kaba tynrai bad u nongpyniaid ia ka iing nongwan ba thymmai.
U VC u iathuh ka NEHU ka don ar tylli ki Campus ha Jowai bad Tura hynrei u kwah ban pyntip ba ka University ka la thoh thikna sha ka Tnad ban ioh jingshai shuh shuh halor kane ka kam bad ka dang ap ia ka jubab jong ki.
Ha kaba u la batai un sa thoh biang sha ka Ministry bad lada ym don jubab hapoh u bnai December 2024, ngan thung ar ngut ki Pro-Vice-Chancellor na ka bynta ka Shillong bad Tura Campus tang na ki trai muluk.
Ha kaba khadduh ba u Vice Chancellor ka NEHU kam shong nongrim ka jingdawa ban hiar shuki ia u un nym hiar namar ia u la Jied hi da u President ka Ri India bad u kwah ruh ia kito kiba pyrshah ia u bad kiba iakhih ki dei ban wan sha ka miej jingiakren.