Jah ka Kyrtong NPP bad bujli u Manuel Badwar ha jaka u Bah Pala ha jingkhot ka Sankardev Kolej ia ki kyrtong iakhun elekshon

Shillong – Ka Elekshon sha ka Lok Sabha ka la treikam hadien ba ka ECI ka pynjari da ka Model Code of Conduct bad ki kyrtong kiba iakhun ki la long kiba la pynkhreh.
Bun ki kynhun pynlong ki jingiatainia ia ka nongrim ki la pynkhreh ban khot ia ki kyrtong bad ki seng saiñ pyrthei ban pynsngew ia ka mat elekshon ba ki ieng
Ka TNad Political jong ka Sankardev Kolej ka la dep pynlong ia ka Symposium on Parliamentary Politic and Political Participant ia ki kyrtong kiba iakhun elekshon ban ai ia ki symboh jingkren kaei kaba ki don ha ka Dohnud bad ka jabieng ban pynsngew paidbah.
Napdeng ki kyrtong kiba la wan shim bynta ha ka jingiatai pyni nia ia ka mat elekshon jong ki saiñ pyrthei ka kynthup ia ka Kongress ba la mih da u samla Manuel Badwar ha ka jaka u Kyrtong u Bah Vincent H Pala MP, na ka seng UDP, HSPDP (RDA) la don hi u Kyrtong iamonlang Robert June Kharjahrin, na ka BJP la wan shim bynta da u Bah H.Kharkrang Spokesperson, na ka Seng VPP u Kyrtong Dr. A J Ricky Syngkon, katba u Dr. Lakhon Kma kyrtong Shimet u la shim bynta ha ka jingiatainia.
Tang ka Seng National People Party kam la shym wan sha ka jingkhot jong ka Sankardev Kolej ban shim bynta.
Ka jingkhot jong ki samla pule ka Sankardev Kolej ia ki kyrtong iakhun elekshon MP ka long ban ioh sngew kaei kaba ki don na ka shyntur jong ki ban iathuh sha ki paid ka jylla ia ka jingthmu iakhun elekshon bad ki nongrim.
Ka TNad Political ka Sankardev Kolej ka la pyn’khreh ia ki shuki na ka bynta ki kyrtong ban wan ka seng NPP kam shym la pHah iano iano na ka seng mihkhmat bad ka BJP kam kat don Kyrtong bad ka Seng BJP na Delhi kam pat jied kyrtong iano ban ai.