Shillong, 4 Nailar 2025: Haba la kynnoh ba ka pyrthei ka dang kyrduh kam, kawei ka samla na Shillong ka la pyni ba lada don ka mon treikam, ym don kaba lah ban khanglad. Ka Jedicia Sohliya, kaba shong ba sah ha Pynthorbah, hapoh ka Pynthorumkhrah constituency, ka la shim ïa ka rai ban wanphai sha la ri, hadien ka jingtrei ha Mumbai bad Dubai, ban sengkam bad ai lad sha ki samla ka jylla.
Na ka liang katei ka samla haba ioh iakren sha u lad pathai khubor ka iathuh ka dei ka nongseng jong ka JED Professional Company, ka kynhun kaba trei ban pynïasoh ïa ki nongwadkam bad ki nongai kam, bad ai jinghikai ha ki Nurse ba kyrpang kum ka Professional Grooming, Skill Development, Entrepreneurship, bad kiwei de.
Ha ka 2 tarik u Nailar, ka Jedicia lyngba ka JED Company ka la pynlong ïa i jinghikai sha ki samla wadkam ha Dorbar Shnong Golf Link, Shillong. La wan shim bynta da ki samla na ki shnong bapher bapher, kiba ioh jinghikai ha ki phang ba kongsan ban pynkhreh ialade ha ka pyrthei trei kam.
Ka Samla Sohliya ka iathuh ki bynta ba la kynthup ha ka jinghikai Professional Grooming & Discipline,
Job Readiness Training, Entrepreneurial Awareness, Behavioral and Work Ethics
Ha jinghikai katei ka Samla ia ki samla wadkam ryngkat ki kompani ba iateh ban aikam, ka Sohliya ka la kyntu ïa ki samla ban ym ap tang ïa ka sorkar hynrei ban pynkhreh ïa lade ban trei, ban sengkam bad ban kyrshan ïa lade:
“To ym long tang kiba ap kam sorkar. Lah ban trei ha la ri lada phi long kiba kloi ban sengkam bad trei shitom.”
Ka Nuksa Jong Ka Samla Kynthei Sengkam
Ka Jedicia Sohliya ka la paw shakhmat kum kawei na ki kynthei ba la lah ban pyntreikam ïa ka jingnang jingstad na shabar ban kyntiew ïa ki samla ka jylla. Ka dei ka nongialam kaba trei na ka met bad mynsiem ban kyntiew ïa ka roi ka par jong ki briew ha ka shnong, ha ka jylla bad ha ka imlang sahlang.
Ia ka Samla Jedicia la ithuh kum: Nongseng JED Professional Company ha Jylla Meghalaya ka dei kaba pynleit jingmut ha ka Financial Advisor, ka
Placement Consultant, Professional Course Provider
Ka la don ruh ka jingiatrei kam kum ka Business Development Manager ha Crown Capital Consultancy ha United Arab Emirates, kaba pyni ïa ka sap treikam ha ka pyrthei shabar ri.
Ka Sohliya ka pynpaw ba ka thong jong ka JED Company ka long ban kyntiew ïa ki samla ba la pyndep ïa ka pule puthi hynrei kiba dang sahkut ha ka jingwadkam, da kaba ai ka jinghikai kaba biang ban ïakhun ha ka pyrthei treikam ba mynta.
Ka la kdew ruh ba ka JED ka la pynkhreh ban pynlong ki prokram ba kum kane ha ki bynta bapher bapher jong ka jylla.
Ki samla kiba la ïadon bynta ki la pynpaw ïa ka jingsngewkmen bad ka jingïaroh ïa kane ka jingpyrshang. Ki pynpaw ba ka prokram ka pynioh mynsiem bad ai ka jingkyrmen: