Nongpoh | 30 Naitung 2025
Ki hajar ngut ki paidbah bad u Syiem ka Hima Jirang tur paidbah, pynpaw da ka jingïaiñ tyngkhuh pyrshah ïa ka jingthmu ka Hima Nongwah Mawtamur ban buh ophis ha Rani Jirang
Ka jingïaiñ tyngkhuh kaba jur bad kaba don ka jingïapyrshah paidbah ha ka rukom ba tyngeh bha ka la paw shai mynta ka sngi ha shnong Rani Jirang, hadien ba la mih ka jingthmu jong ka Shnat Hima Nongwah Mawtamur ban buh ïa ka ophis treikam ha katei ka shnong, kaba ka Hima Jirang ka kam ba ka dang hap shisha hapoh u pud u sam jong ka.
Da ki hajar ngut ki paidbah, naduh ki rangbah, kynthei bad samla, ha ryngkat bad u Syiem ka Hima Jirang, Paiem H. Wahlang, ki la tur paidbah sha ka jaka ba la thmu ban tei ïa ka ophis treikam, ban pyni da ka jingïakhih pyrshah kaba tyngeh bad kaba khlem da buh synñiang. Ki paidbah ki la kren da ka sur ba skhem ba kim lah ban pdiang ïa ka jingïa klun jaka, ïa ka jingïa kynduh pud kaba la leh beain, bad ïa ka jingïaleh bor da kawei pat ka Hima ban thaw jaka ha khappud khlem da pyntip, pynsngewthuh ne pdiang jingbit na ka Hima trai jaka.
La kynnoh ruh da ki nongialam ba kane ka jingthmu jong ka Hima Nongwah Mawtamur ka dei ka jingkheinbein bad ka jingkhein poh ïa ka Hima Jirang bad ïa ki paidbah jong ka. La kynnoh ba kane ka long ka jingwan pynjot ïa ka jinglong ryntih jong ki hima Khasi ha ka rukom synshar riti dustur, bad kaba mih na ka jinglong leh rai lait jong ka District Council kaba la ailad ïa kum kine ki jingwan beain. Ki paidbah ki la khie im pyrshah ruh ïa ka Khasi Hills Autonomous District Council (KHADC) bad ïa ka CEM kaba mynta, da ka jingkynnoh ba ka Council ka la ai lad ïa ka jingïakhlad, ïa ka jingïashoh pud, bad ïa ka jingïaroi kti da ki hima kiba laitlan.
Uwei na ki nongialam shnong u la ong da kaba tyngeh, _“Kane ka long ka jingïatyngkhuh, ka jingïaknieh jaka kaba la pynlong thombor ïa ka Hima Jirang. Wat lada u CEM ne ka KHADC ki kloi ban ailad, hynrei ki paidbah kin nym ailad satia ïa ka jingïaleh bor bad ka jingïa kl