Shillong:Jingialang Kur ShangpliangU Secretary jong ka Kur Shangpliang Central Body Adhoc U Bah Commander Shangpliang u la pyntip ba ka jingialang jong ka Kur Shangpliang kan long ha ka 20 tarik Kyllalyngkot ha ka por 11 baje mynstep ha Mae-Dow Grande Hall, Lumbatemon, Jaiaw Laitdom hajan Seng Khasi College, Shillong. U la ong ruh ba la khot la wer ia baroh ki para Kur Shangpliang kiba shong ba sah ha Shillong lane mar khap sor ki bym pat long dkhot ha kino kino ki unit jong ka Kur ba kin iawan ha kane ka jingialang ban iakren ia ki kam jong ka kur bad khamtam ban thaw unit Kur Shangpliang ha Shillong.“Ha ka juh ka por ngi kyrpad ba phin ia khot iawer lang ia baroh ki para kur khamtam kito kiba la shong la sah bad don Nongrim ha sor lane khap sor ba kin iapoi khnang khnang ha katei ka jingialang khnang ba ka jingthmu kan long kaba jop” la bynrap u bah Commander Shangpliang. Na ka bynta ka jingtip kaba kham bniah lah ruh ban phone ha u numer 9774010337 lane 9863512121.
