Shillong, 7 Jylliew –Ka ophis jong ka Commissionerate of Food Safety (FSSAI), hapoh ka jingïalam jong ka D.B.S. Mukhim, ka la pynlong ïa ka pynkhuid paidbah ha Khyndai Lad, Shillong, da ka thong ban kyntiew ïa ka jingshngaiñ ha jingkhuid, kiba dei ki bynta ba kongsan ban pynneh ïa ka imlang ka sahlang ha ka bam ka dih.
Ka jingpynkhuid ïa ka tawiar Khyndai Lad
ryngkat bad ki nongtrei ka Meghalaya Urban Development Authority (MUDA) ki la ïatreilang bad ki nongdie madan ban kyrpad ïa ki ba kin pynkhuid ïa ki jaka ba ki shong die.
Ha jingpynkhuid ïa ki lynti Khyndai Lad kiba kynthup ia ki kynroh jong ka Marba Hub, kynroh jaka ieng Kali pyrshah ka OB Mall la phah kyrshut pynkhuid da ki bor tnad Sorkar FSSAI.
Ka lynti ban leit ban leit sha Police Reserved ba ju shong die jingbam da ki bar jylla ka tnad FSSAI kam shah ban shong dukan por mynstep ia kaba la phah ban pynkhuid ia ku syndah kynroh Namar ba la khalah bad satah da ka khleiñ shet jingshet bad ka jingbiah pathar jong ki paidbah.
Na ka liang ki paidbah ba iaid lynti mynstep ki iphylla ia ka Khyndai Lad ba kylliud ka lynti iaid bad ka jingitynnad ka lynti bad khuid lut ki jaka biah phongrai ba ju biah pathar ki paidbah.
Ka lynti sha iaid sha Bijou Sinema ka kylliud bha namar ki nongdie jaiñ madan ki pynkhuid ia kaba la sdang naduh 7 baje mynstep.
Na ka liang u lad pathai khubor haba ioh ban iakren bad ka kong D.B.S. Mukhim kaba dei ka Deputy Commissioner ka Commissionerate of Food Safety (FSSAI) ka iathuh ki Thymmei jong ka jingpynkhuid ha Khyndai Lad bad ha ka jylla baroh kawei ka dei ka jingïaid lynti ban pynbha ïa ka jingsngewbha u paidbah da ka ba u bam u dih.
Ka jingpynkhuid ïa ki jaka shong dukan ha ki madan ka dei ka kam kyntang ïa ki jaka paidbah.
Shuh shuh ka kong Mukhim ka iathuh ka jingpynkhuid ban tehlakam ïa ka jingshngaiñ ha ki jaka shet bam jong ki paidbah.
Kawei ka long ban lait na ki khñiang jingpang na ka bam kumta ki trai dukan ki nongdie madan ki dei ban iatreilang.
Ka kong Mukhim ka iathuh ha kane ka jingïaid lynti, la pyni ruh ïa ka rukom trei tynrai jong ka juk saian ban pynneh ïa ka jingbam kaba shngaiñ, lyngba: ki jingtest ïa ka bam ba lah ban don jingpynjaboh da ka rukom mobile testing jong ka FSSAI ha ka Food Safety on Wheels.
Na ka liang u paidbah ka khubor ba ka heh ophisar ka Tnad FSSAI ka ai jingpynsngewthuh halor ka jingïadei hapdeng ka jingkhuid bad ka koit ka khiah donkam ka jingïatreilang ka pyni ïa ka jingïaid ryngkat jong ka aiñ, kaba lah ban wanrah ïa ka pyrthei kaba khuid bad kaba shngaiñ na ka bynta baroh.