Shillong, Rymphang 13 : Halor ka jingshah kynnoh leh tohmet u Doctor ka tnat Animal Husbandry and Veterinary haki BSF, ka Sorkar jylla kan thung da ka Coordination Committee khlieh da ki Sub Divisional Officer (SDO) iathuh u DGP ka jylla hadien ka jingialang ba la khot da u Myntri ka Tnad Kam Pohiing ka Jylla u Bah Prestone Tynsong.
Na ka Liang u DGP Director General of Police (DGP) ka Meghalaya Dr L R Bishnoi u iathuh ka Coordination Committee ha ki Shnong Khappud, ban tem ia ka jingiasngew pher jingmut hapdeng ki nongshongshnong bad ki shipai shipai iada khappud- Border Security Force (BSF sha ki lad pathai khubor.
Ha jingialang ba la long ha Secretariat la donlang u Inspector General (IG) BSF Meghalaya Frontier.
U DGP ka jylla u iathuh ka BSF ka dang pynlong ka jingtohkit bad naka liang u IG ruh ula kular haka jingialang ba un khmih bniah halor ka jingjia bad un phah iaka kaiphod shaka Sorkar Jylla.
U Dr LR Bishnoi ula iathuh ba nalor ka Coordination Committee ha Amlarem West Jaintia Hills, la thaw ruh ia ki Coordination Committee shaki thain Sohra, Pynursla, Dalu bad sha kiwei ki jaka ba don ktem BSF.
Kane ka la mih hadien arsngi ka jingshah thombor u Doktor ka Animal Husbandry & Veterinary ha ki shipai BSF ha Amlarem, kaba poi sha u pud ka jingphah law lyngkhuid ia ki jain bad byrngem ruh ban siat iap ia une u doktor.
Na ka Liang u MLA ka War Jaiñtia u Ma Lakmen Rymbui u pynsngew ia katei ka kam ia ka jingkynnoh leh tohmet u Dr. Vetenery yn buh da ka kynhun tohkit da ki pulit ka jylla bad na ka Liang ki BSF kin tohkit la ka jong.U Ma Lakmen Rymbui u iathuh ba ka jingjia ha Muktapur ka dei ha u Zero Line ki BSF ki don la ka jong ka bynta ban leh la kam hynrei ban pynshisha ia kata ka jingjia kadei tang ka jingtohkit da ka sorkar Jylla.