Shillong – Imat ka elekshon MP sha Lok Sabha 2024 ka long kaba jwat bha ban tip mano ban lah mano ban jop bad mano ban rah ia ka thong.
Ha ki rynsan ialap elekshon ki kyrtong kiba kham paw bha ka long ia u Bah Vincent H Pala na ka Seng Kongress, u Bah Robert June Kharjahrin RDA (HSPDP+UDP) ka Dr. Ampareen M Lyngdoh NPP bad u Dr. A.J. Ricky Syngkon VPP.
Ha jingialap elekshon ia u kyrtong ka seng Kongress u Bah Vincent H Pala kiba paw ki long u Bah Charles Marngar, MLA, MDC ka Mawhati, bad u Dr. Celestine Bom Lyngdoh MLA Umsning.
Na ka Seng UDP, HSPDP RDA kiba paw bha ia ka jingialap elekshon ia u Bah Robert June Kharjahrin kyrtong RDA ki long u Bah Paul Lyngdoh MLA Mawprem, Metbah President bah Ollan Suiñ MLA Mawsynram, bad kiwei kiwei.
Ia ka kyrtong NPP ka Dr. Ampareen M Lyngdoh kiba tbit tam dei u Bah Prestone Tynsong, President State NPP, u Ma Wailadmiki Shylla MLA ka Jowai u Bah Kitboklang Nongrem President State NPYF bad kiwei kiwei.
Haba phai ia u kyrtong ka seng VPP u Dr. A.J.Ricky Syngkon ki long u Bah Brightstarwel Marbaniang, bad u Bah Ardent Miller Basaiawmoit President.
Haba phai ban ianujor nadpeng kine kyrteng jong ki kyrtong ban iakhun elekshon MP ki don la la ka jong ka kyrdan ha ka jingnang jingtip bad jingshem phang jong ki.
Shuh shuh ban nang ban ioh jingjop ban rah ia ka thong ka shong ha ka jingpnah thylliej Kumno ban pynwandur ka jingkren ha jingialap ba u paidbah ban sngap.
Na ka jingiaid sorbe u lad pathai khubor la sngewthuh hi bun u Thap u Dap ha kyndong kynshrot ha IeW ha hat wat sha khappud Meghalaya- bad Assam u noh tarajur sha u PRAH ym ia u Kyrtong.
Tang kawei ka khubor ban ai ban tip paidbah ban jop ia ka thong ka dei hi ka jingstad jingshem phang ha u paidbah ban jied ban pynjop, khlem da klet ia U Blei uba Aibor.