Shillong – Ka thma Reservation Policy ha jylla ka lah ban shu kut noh kumto namar ki nongdawa ne pynkhih ia katei ka mat ki aiti beit ha ka jingstad jong ka Sorkar ban peit khlem don ba budien ne ban kylli ka long kumno. Halor katei ka kam ba don ki saiñ pyrthei kiba la mih ban iakhih paidbah ban dawa na ka sorkar Jylla ban khmih bniah ban don da ka Expert Committee, kumta ka sorkar Jylla ka la lum ia ka jingialang jong baroh ki seng saiñ ban ai jingmut ban iathir hadien ba la iabeit lang la suit la shor da ka “Expert Committee” ba la long Chairperson da ka kong Ampareen M Lyngdoh. Na ka liang ka Khun Hynñiewtrep Awaking Movement ka la leit ban buddien ia katei ka Reservation Policy bad iakynduh ia u Chief Secretaryban ioh jingshai halor katei ka kam Ka KHNAM ha ka jingialam u Bah Thomas Passah Working President bad u General Secretary u Bah James Nengnong ki la ioh ka jubab halor ka Expert Committee na u Chief Secretary u Bah Donald P. Wahlang myn ha ka 27 tarik u Naiwieng. Ka KHNAM haba ioh ban iakren sha ki lad pathai khubor hadien ka jingiakynduh bad u CS la iathuh ba ka Expert Committee ba la thung da ka sorkar bad rai da ka All Party Meeting kam poi shaei shaei ka dei tang ka kam lut phut pisa tang siew ia ki BRIEW jong katei ka Committee pynsngew u General Secretary ka KHNAM u Bah James Nengnong.Ka Expert Committee ka ba shong bishar thymmai biang halor ka Reservation Policy lane ka Bhah Thungkam Thungjam hadien ba la pyntip da u Chief Secretary ka Jylla u Bah Donald P. Wahlang ba la pynmih lyngba ka tnat Personel & A.R (B) ka Sorkar Jylla bad la soi Muhor da u Lat ka Jylla u sngewbha ban pynbna ïa ka Expert Committee ka ban khmih bniah ïa ka State Reservation Policy kumba la pynbna ha ka Resolution PER.222/71/138 ba la pynmih ha ka 12 tarik, Kyllalyngkot, 1972.”“U lane ka Chairperson bad ki dkhot jong ka Committee kin kynthup ïa ki stad ki jhad ha ka Constitutional Law, Economics, Sociology, Demographic Studies, bad kiwei kiwei ki bynta kiba ïadei ïa kiba yn sa pyntip da ka sorkar jylla,’ la ong ka jingpynbna.“Ka Expert Committee ka State Reservation Policy da kaba shim ïa ki jingai jingmut na baroh ki kynhun bad da kaba leit sorjamin sha baroh ki bynta jong ka jylla,”Katei ka Committee ba la khlieh da ka Myntri Sorkar ka Dr. Ampareen Lyngdoh kum ka Chairperson kaba kynthup ïa baroh ki nongmihkhmat na ki Seng Sainpyrthei. Hynrei tang ka KHNAM kam shym la mynjur ia katei ka Expert Committee kumta ha ka jingialang ka la phet iathuh u Bah James Nengnong. Ka KHNAM kaba la bynrap ka jingthaw ia ka Expert Committee ka dei tang ka jihglut phut ka pisa jong ka sorkar u paidbah khlem don don jingmut namar ka don ha Shillong bad Delhi na ka jingiathuh u Chief Secretary ia ka KHNAM.
