Ka Federation of Khasi Jaintia and Garo People (FKJGP) South West Khasi Hills District, hapoh ka jingïalam u Bah Kenesjune L Nonglait , President FKJGP SWKHD mynta ka sngi ka 19 tarik u Nailar 2025 ka la leit ban ïa kynduh ïa u Pa’iem Niandro Syiemiong, Syiem ka Hima Maharam ha kaba ïadei bad ka jingpan jaka jong ki BSF ban shna ia ki unit Headquarter ha ka thaiñ Ranikor , SWKHD .
U Bah Kenesjune L Nonglait haba kren sha ki lad pathai khubor u la ong ba ka seng kam nym khang lada ka Dorbar Hima kan ai jaka ia ki shipai BSF kiba long ki nong iada iaka Ri bad ka seng
ha kane ka jingïakynduh ia u Syiem bad ka EC ka la ai jingmut ruh ba kidei ban ai
hajan jong u border line kaba lait na ki jaka ba ki paradoh para snam ki rep ki riang bad ki shong ki sah khnnag ba kan nym pynwit iaki .
Hynrei lada ai ha ki jaka ba shong ba sah bad jaka rep ki khasi kiba dei ki para doh para snam, Ka Seng da lei lei kan nym shah bad kan nym ai lad satia la ong ubah Kenesjune.
Kumta, ka Seng ka kyrpad ia u Pa’iem uba long kum u kpa bad u khlieh duh ka Hima Maharam ba un sngap lem ia ka ud ka nam jong ki khun u hajar ka Hima Ban pynsangeh noh ia kane ka jingthmu ban ai jaka sha ki shipai BSF ha ki jaka kiba dei ki jaka rep ki khasi bad kiba la jngai na u border line .