Shillong – Ka IIng Dorbar Thaw Aiñ ka jylla kan sdang ha ka 16 tarik u Rymphang 2024 ia ka Dorbar mang tyngka bad ka Jingiatai ia ki Bill bad ki kaiphot jong ki tnad sorkar bad ki kam pynroi.
Ha katei ka Dorbar iatai jong ka Sngi Sdang u Lat ka Jylla un sa kren ia ka phang bad ki pasoh ha ka ka Article 176 jong ka constitution jong ka ri India.
Ha jingpyllait khubor na ka IIng Dorbar Bah Thaw Aiñ lyngba Lamphang ka dei ba u Lat ka Jylla u Phagu Chauhan un mait phang ia ki mat ban iatai kan long ha ka ktien Hindi bad ka jingpynbna u Lanmphrang ka jylla ia ka report jong ka Business Advisory Committee.
Ka bynta ba lai u Lamphrang un pynbna ia ki kyrteng jong ki MLA ki ba u la jied sha ka miej jong u Chairman, ban buh ia ki hukum , ki jingai jingtip, ki ain bad ki Hukum.
Ka san ka jinglamphrang ia ki Bill Sorkar, ki bynrap jingkylli bad ki jingiasynrop ban buh jingdawa Presentation of Supplementary Demands for Grants and Supplementary Appropriatton for 2023-2024.
Bad ka jingkynmaw burom ia kiba IIng bathoiñ jong ki MLA ba la khlad.
Ynda ia phaidien khyndiat ia ka Dorbar Mang tyngka kaba la dep jong u Snem 2023 ka long ka dorbar kaba khluit bha namar ka jingmih pyrthei ka Seng Saiñ pyrthei kaba thymmai ka Voice People Party ba la ialam da u Bah Ardent Miller Basaiawmoit ka la pynthnam ia baroh ki 60 ngut ki MLA khamtam ia ka sorkar MDA 2 ba la Ialam da ka NPP.
Katei ka jingphaloh ha sngi sdang ka Dorbar iatai ka dei namar ia ka jingkren KTien Hindi jong u Lat ka Jylla u Phagu Chauhan ia kaba la pyrshah da ka VPP ha ka jingialam u Bah Ardent Miller Basaiawmoit balei ba u Lat um kren da ka ktien phareng kaba lah ban iasngewthuh lang.
Kumta kane ka IIng Dorbar mynta kan long kumno na ka Liang u Nonglam KTien ka VPP u Bah H. Kharpran MLA ka Mawryngkneng u la pHah ka jingthoh sha ka IIng Dorbar Thaw Aiñ ban don ka jingpynkylla KTien.
