Ka kynthei dei “Dohnud Bakhraw”ha Iing ha Sem, Imlang Sahlang bad ha ki Shynrang  

 Shillong Nohprah – “Wat ju pep ban duwai” kaba la sot na ka Shithi Ba Nyngkong u Paulus Apostol Bakhuid 
1 Thessalonika 5:17 ka ktien mat puson jong ka Dorbar Bah ba 8 KA SYNJUKKI KYNTHEI KATHOLIK SHILLONG ARCHDIOCESE ia kaba la pynlong ha Shnat Niam U Paulus Bakhuid Upper Shillong Zone 1myn ha ka 1 tarik u Nohprah 2024.
  Ka Dorbar Bah ba phara ki kynthei bad longkmie ka Jylla Niam Bah Shillong ha kaba u Archbishop Victor Lyngdoh u la long u kongsan ban pynmynta ia ka Nguh ka Dem Blei.
    Ha ka mat iatai jong ka Dorbar pyllun ki kynthei ka Synjuk ki Seng Kynthei Katholik jong ka Shillong Archdiocese ka la shim ia ka bynta jong ki Iing ki sem ban im ha ka jingduwai iathuh u Archbishop Victor Lyngdoh.
     Haba pashat ia ka pasoh jingduwai ki longkmie ha lympung U Archbishop u ai tang lai tylli ki mat kata ka longkmie ban seng ban duwai ia ka iing ka sem ba ka longkmie kaba kit ia ka eh ka shon bad kaba pynroi ia ka pyrthei da ki Khun shynrang bad kynthei.
   U Ong ka longkmie dei “Ka Dohnud ia ka Iing, ka Balang Imlang Sahlang bad ka jingim mynsiem”
  Ka jingdon ka kynthei kaba janai da ka jingieid ban don ka jingpynkylla ia ka pyrthei da ka jingim kaba thymmai bad kaba skhem. 
 Kum u khliehduh ka Shillong Archdiocese u Archbishop Victor Lyngdoh u da pynpaw ka jingsngewnguh ia ki Longkmie ka Jylla Niam Bah ba ki pyndap pynshngiam ia ka Balang.
   
  Ka Dorbar Bah ki Longkmie ka Shillong Archdiocese ha ka jingialam u Spiritual Director ka Synjuk u Sohblei Alfred L.Nongbri ka President Synjuk ka Kong Kiltiiora Marbaniang bad ka Secretary ka Kong Joplin Nongdhar ba ki lah ban lum ia ki Longkmie bad samla kynthei da ki phew hajar ngut ki longkmie na 7 tylli ki Zone ka East Khasi bad Ribhoi District.
   Ha jinglehniam Bakhuid kiba la synran ia u Archbishop ki long u Sohblei Tobias Kharngapkynta Nongsharai Rangbah ka Shnat Niam Upper Shillong u Sohblei Leo Mary Lyndemu sohblei Sylbanus Nongkynrih bad kiwei pat ki lyngdoh.
 
Ha ka Dorbar kaba Phra ka Synjuk ka la shim rai bad mynjur ia ka jingiamir jingmut ha ki ar Sngi da ki kyntien jingduwai “Ban nym pep ban duwai”
   La pymkut ia ka lympung dorbar pynhiar ia ka Lama da u Archbishop Victor Lyngdoh bad u Spiritual Director u Sohblei Alfred L Nongbri bad ka jingpynbna ia ka Dorbar Pyllun kaba ban sa long ha u snem ban wan kan leit sha ka Zone II ia kaba yn pynlong ha Iing Mane Bah