Shillong, 13 Kyllalyngkot 2026: Namar ka jingtih bad tep pipe um ka Tnad Public.Health Engeenering bad ki Kontraktor ki long ka nongpyndik pynthud ia u paidbah bad ki shnong ki thaw sha khyndew khlem poi um pat.
Ka Seng Samla Golflink Dong Mawpun ryngkat ka Dorbar Shnong Golflink kaba la ioh jingujor na ki paid nongshong shnong bym long shuh ban iaid ban rung sha phyllaw iing lajong la la buh jingeh Ia ki.
Kumta ka seng Samla Mawpun Dong Mawpun ka la phah ia ka jingujor sha ka Dorbar Shnong Golflink halor ka kam tih pipe um jong ka Public Health Engineering (PHE) ha ka PWD road ha Mawpun kaba ym pat pyndep la lai bnai.
Katkum ka jingujor, ia ka kam tih jaka la ieh khlem pyndep, kaba la wanrah ia ka jingeh kaba jur ia ki paidbah paidbah, khamtam eh ia ki nongshong shnong jong ka Mawpun kiba ju iaid kjat man ka sngi. Ia kane ka jaka kaba la tih la kynnoh ba ka la long kaba maum bad kaba mawhiah, kaba buh jingma ia ka jingiaid paidbah.
Haba kren halor kane ka kam, u Samla Kordor L. Nongkynrih, President jong ka Mawpun Unit ka Seng Samla Golflink, ryngkat bad u Mikhael, ki la pynpaw ia ka jingsngewkhia halor ka jingpynslem ban pyndep ia kane ka kam. Ki la ong ba watla ia ka pipeline la dep buh, hynrei ym pat pynphai biang ia ka surok sha ka jinglong kaba rim, kaba la wanrah ia ka jingeh ia ka im paidbah.
Ka Seng Samla ka la kyrpad ia ka Dorbar Shnong ban tuklar bad ban shimkhia ia kane ka kam bad ban kyrpad ia ki bor ba dei peit ban pyndep noh mardor ia ka kam bad ban pynbha biang ia ka surok kumba ka long mynshwa, khnang ban pynthikna ia ka jingshngain paidbah.
Na ka liang u Rangbah Shnong Golflink bad ka Dorbar ki la leit jurip ia ka surok shnong bad sakhi ia ka jingieh ki Kontraktor ia kaba kim la pynbha ia ia ka lynti hadien ba la ai jingbit da ka shnong bad ba ku Kontraktor ki la dep tih bad tep pipe la lai Bnai iathuh u Bah Michael Hek.
. Shuh shuh u Rangbah Shnong u la aipor shitaiew ia ki Kontraktor ban pynbha ia ka Surok ba la dep lada kim leh ka Dorbar Shnong kan ai da ka Ejahar bad kan tih lut ia ki pipe ba la tep ong u Rangbah Shnong. Namar ba ka Dorbar Shnong ka la dep iakren bad ka tnad PWD ia ka jingjot ka surok hynrei na ka liang ka PWD ka iathuh ka dei ka kamram jong ka PHE.