Shillong :2nd August 2025 – La pynlong ia ka jingialang ban iashim bynta ha ka prokram ban pynlait ia ka instalment kaba arphew hapoh ka PM Kisan Scheme da U Myntri Rangbah ka Ri, U Narendra Modi. Ki nongrep ka jylla ki la ioh ban iashim bynta da kaba peit ia ka live streaming jong ka program kaba la pynlong ha ka Integrated Agricultural Training Centre, Upper Shillong. La pynlong ia ka prokram da ka jingiatreilang ka tnat Directorate of Agriculture and Farmers’ Welfare, Krishi Vigyan Kendra, East Khasi Hills bad ka Meghalaya Agricultural Management and Extension Institute. Ki nongrep na ki Block bapher bapher ki la ioh ban iashimbynta ha kane ka prokram ha ka jingiadon ryngkat lang ki ophisar na ki tnat bapher bapher.
Ka Kong. B. Mylliem Umlong, Director of Agriculture, kum ka kongsan, ia kaba pynshlur ia ki nongrep ba kin shim ia ka lad ban ioh ia kane ka skhim jong ka Sorkar Pdeng. Kum shi bynta jong ka prokram, la ai por ruh ban ia mir jingmut hapdeng ki nongrep bad ki ophisar ha kaba la ioh ia ki jubab bad jing batai ia ki jingkylli jong ki nongrep.
Ia ka jingpyni live jong kane prokram ba la don u Myntri Rangbahduh ka Ri ha Varanasi, la peit da baroh kiba la wan ha ka prokram. Lyngba kane ka prokram ban pynlait ia ka installment kaba arphew kumba 2.5 klur ki nongrep ha baroh kawei ka ri ki la ia peit bad lyngba kane ka scheme la pyllait kumba 20,500 Klur tyngka sha ki 9 klur 70 lakh ngut ki nongrep ha ka Ri baroh kawei.
