Ka Thma Khyndai Lad(Shillong) ka la nang jur pynban. Babu Kular Khongjirem. Ka thma ktien(war of words) hapdeng ki nongdie madan(hawkers) bad ki bor sorkar ka la nang jur nang jur pynban katba nang mih ki por ki sngi.Baroh ar liang mamla, ki la ia pyneh bad pynksan hi triang ia la ka jong ka jong ka nia ne ka nongrim ba ki ieng.Imat,kane ka thma ka kham shyrkhei pynban ban ia ka thma Israel bad Iran namar ka Israel bad ka Iran ki ialeh da ki missile kata, ki thmu pynjot(target)tang ia ki jaka shipai ne para shipai.Hangne ha Khyndai lad (Police bazar) pat,ka thma ka long hapdeng ki bor pulit sorkar bad ki riew paidbah khamtam bad ki longkmie riew kynthei nongshomg dukan madan. Haba peit bad sngap na ka jingiatai nia jongki te,imat ki heh sorkar kim lah pyndem ia ka nia jong kine ki longkmie nongshong dukan madan.Baroh ar liang ki kynhun ki ia long ia ryngkat(both sides of the coin are equal). Ha ka jingshisha,ka sorkar ba la jied da u paidbah(elected govt) mynta ka hap ban pyrkhat janai bha(proper planning) ia ka jingleh bakla kaba la dep leh khlem poi pyrkhat (unplanned system) ka sorkar mynshwa.Ka sorkar ka don bun ki riew shemphang(experts), ki riew stad pyrkhat(planners) bad ki stad thaw lad(architect). Ha kine ki snem lei lei,ka sorkar ka thung bad pynmih da kita ki riew stad bad riew shemphang ha ki kam bapher bapher(consultancy) ha kaba da ki lak ka sorkar ka siew tulop ia ki.Ka dei ka kam jongki ban pynbeit bad pyrkhat thymmai (rectify) ia ka jingbakla ba ka sorkar mynshwa kam poi pyrkhat satia ba ka Khyndai lad(police bazar) kan kylla khapngiah ne roi haduh katne katne mynta. Kita ki stad pyrkhat jong ka sorkar(expert/consultancy) ki la dei ban tip bad pyrkhat ruh ia ka jingbym lerkam(failure) ba ki la mad(experienced) ban pynkynriah ia ki nongdie madan na jingkieng Motphran sha khrum Parking lot Jaiaw namar bun ki nongdie madan kim lah die satia kumba ki lah die ha ki lynti paidbah.Kumta,bun na kine ki nongdie madan ki la nangjah nangjah noh namar kim lah satia ban shan khlem don satia ka jingphoida ia ki na kane ka jaka bad ki sa ia pyrshang noh ban wad lad da kiwei kiwei ki lad kamai jakpoh ha kiwei kiwei ki jaka.Bun ruh ki ong ba ki la shah shet ha ka buit sorkar bad mynta ka la dier ka por ban babe kylla ia kaba la kohnguh ne mynjur mynshwa.Kane kan long noh ka jingsneng (lesson) ia ka sorkar ban sngewthuh kham bha ia ka kam die madan(,hawkers issues)sa ha Khyndai lad ( Police bazar) mynta. Ban pynkylluid ia ka surok bad ka lynti iaid bad lynti ieng paidbah ka long kaba donkam bha.Ka jingeh(problems) jong ka jingkhap ngiah ha ki jaka sor, ym dei tang ka Shillong kaba mad ia kane hynrei kylleng ki jaka sor jong ka ri India bad ki sorbah jong kylleng ki ri jing ka pyrthei.Hynrei,ha kiwei kiwei ki sorbah,baroh kiei kiei(everythings) la dep mang bad plan(well plan) lypa ha ka rukom kaba ryntih(proper system). Katba mangi hangne pat,dei ynda la poi ka um ha ryndang ba ki sa kyndit bynriew. Ban pynbeit ia kaba la leh bakla,ka dei ka kam kaba jwat bha.Lada kim don shisha kita ki proh jabieng ne ki ‘tiew Dohmaw laiphew na-ar-jingmut ban pyrkhat ne plan ia kane ka kam,kata, ka eh shibun. Katba nang leh kawei,katta ka nang lait shawei pat.Ka kam kan nang jyrwit jyrwat, nang bakla bad nang kulmar shuh shuh pynban. Tang kawei ka donkam ka long,ba ka sorkar haba ka leh ia kano ka kam,kam dei satia ban leh shiliang khmat (partiality)iano iano ne ibein iano iano(discrimination).Kiba dei hok(genuiened ne deserving)ki dei ban ioh hok ia la ka bynta ne jaka. Ka Khyndai lad(police bazar) kadei ka jaka kaba hap ha ka jaka sorkar ne European ward.Ka Municipal ka don ka bor ban leh katba mon nadong sha dong(absolute power) ha katei ka jaka. Hynrei,naduh ka wah Umohsun(ka wah markhap bad ka Dreamland) shaduh Motphran ter ter,kane ka jaka ne area pat ka la hap noh hapoh ka Sixth Schedule area ne hapoh ka jingpyniaid ka District Council.Hangne pat,yn ia tyngkhuh bad ar tylli ki bor. Ki bor sorkar bad ki bor District Council nalor ki Dorbar shnong.Lada dei pat ha Iewduh,kata,la ia tyngkhuh haduh lai tylli syndon ki bor,ka bor u Syiem Mylliem,ka District Council bad ka sorkar jylla.Dei hangne kein ba lada kim nang ban pyrkhat sani ne pyniaid bha bad iatreilang, kin mih shuh shuh bun ki kynrum ki kynram.Tangba,kiba kham pyn khap ngiah eh ia ka iaid ka ieng ym dei eh tang ki nongdie madan hynrei ki jaka pynsangeh kali ne parking lot ha man la ka shi lynter ka surok bah.Ka surok paidbah ba la shna da ka sorkar na ka bynta ka bit ka biang jong u paidbah,ka la kylla long pynban ka lad kamai pisa ne ATM jong ka sorkar.Kumno ha surok bah(main road) kaba la dep siew khana(road tax) sha ka sorkar yn hap siew biang sa shisien(double tax) ia kajuh ka surok ba ki kali ki la dep siew bad dei hok ia ki ban iaid ha surok sorkar.Ka jingpyniar ne pynheh (widening) ia ki surok mynta kam dei shuh ban ioh iaid kylluid ki kali hynrei ban ioh lum pisa bai parking lot pynban ka sorkar.Hap ia pyrkhat bha hangne,lada khapngiah ka surok bym ioh khrong pisa shibun hap kyndang naphang lin.Hynrei,lada khapngiah pat ka surok kaba ioh lum pisa shibun,kata pat ka biang ia ka sorkar.Lada ka sorkar ka dei ban pyrkhat hok ia ka jingkhap ngiah ki surok,ka dei ban pyrkhat sani bha ruh halor kane ka kam kumjuh.
