Ka Tnad Pynmih Bording ym dei ban shim pisa peit bad bijli ia ki post elektrik bym long shuh

Shillong, Jymmang 28: Ka jingkhyllem ki deing ki siej na ka jinglong jingman ka mariang ka buh jingma ia ki paidbah ba iaid baieng.
Wat ki post ki sainar elektrik ki khyllem lut bad dkut ha ka jingjur ka lyer bad ka jingwan ki pyrthat.
Na ka bynta ki dieng ki siej ka dei ha ka jingsumar ka mei mariang da ka jingioh ia ka um bad ka jingshai ka Sngi bad u Bnai ba ai jingshai shuh shuh don ruh kiba hap ha ka jingsumar jong ki tnad sorkar ne ki briew shimet kiba smat ban thung dieng.
Ka jingsngew syier bha ka dei ka jingdkut bad khyllem ki sainar elektrik bad ki post.
Khlem pep ka tnad M. EeCL ka ju peit ju sumar ia ki sainar elektrik kiba dkut ki nar post kiba buh jingma ia u paidbah don pat hateng hateng ka tnad Pynmih Bording kam ju shim khia khambun ka peit tang ia ka pisa.
Myn ha ka 29 tarik u Jymmang 2024 ha jingwan ka erlangthari Remal ka la pyndkut bad pynkhyllem ja u Post Elektrik hamar pyrshah ka Ophis GPO Women Branch kaba syndan ka Hotel Orchid Polo.
Utei u post ba la khyllem u dei uba la bam sarang na trai u khyllem noh ha jingjur ka lyer Langthari por myn step donbok bym don ba mynsaw.
Ka jingkylli mynta ia ka tnad Pynmih Bording ka jylla! Ka long ba bun bah ki nar post elektrik kiba la pyut bam sarang ki ju leit jurip ne em bad buh jingthoh ne em ia ka jingdon ki post ba la duh ; bad katno snem la pynieng hato ki bujli ne em da kiba thymmai.
Bun sien ka tnad Pynmih Bording lada lap ba don ki nar post elektrik ba la sarang bad ba la slem ki shu maramot da kaba welding ne teh pynskhem da ki dieng ki siej hynrei katno kin neh.