SHILLONG, MAY 15: U Myntri ka bor ding u bah AT Mondal u la ong ba ka jinghiar ka um jong ka dam Umiam kam don jingiadei eiei bad ka jingmaramot ia ka dam.
Haba ïakren bad ki nongthoh khubor mynta ka sngi, u Mondal u la ïathuh ba u la ïoh bun tylli ki phone na ki briew kiba pynpaw ïa ka jingsngewkhia halor ka jinghiar ka um bad kynnoh ruh ba ka lah ban dei hadien ba la maramot ïa ka dam .
“Em, kam don jingiadei ei ei bad ka jingpynbha ia ka dam. Ka um ka don ha kata ka kyrdan namar ngi la buh por ia ka pateng jong ngi,” u la pynshai.
“Kumba ngi la kular ba kan ym don kano kano ka jingpynlip bording ha ka por lean khamtam ha ka por eksamin, ngi la buh ia ka um hangta bad ngim shym la pynmih bording than na Umiam namar ngi dang pyniaid na ki katto katne kiwei pat ki tyllong namar ba kata ka um ka don hangta. Mynta ka um ka la duna hynrei kam mut ba ka jingtuid um ka don kumba ngi pynmih um. point ban buh ia ka um ha kane ka por namar ba ka slap ka la poi,” la batai shuh shuh u myntri.