Ka Umkhoi Canyon bad ka Pung Kolington la kum ka Laitlum kaba khring ia ki tourist

Shillong – Ka shnong UMkHoi ka don ha lynti ban leit sha shnong Mawlngot kaba don harum Jongksha, Mawkynrew Block jong ka East khasi Hills District.
Katei ka shnong mynta ka la sdang paw pyrthei kum kawei na ki jaka Jngohkai Pyrthei naba ka don ki kshaid bad ka Pung Kolington.
Shuh shuh ka Shnong UMkHoi ka dei ka shnong kaba la don ha ka map jong ka Ri India kum ka Model ba shimti da ka Kong Wansuk Syiem kaba long ka MP Raja Sabha na ka seng Kongress ha ki Snem ba leit.
Ha ka shnong UMkHoi ka shnong kaba dei ka shnong kaba dang donkam ban ioh ki kam pynroi bad mynta ka dei ka kabu ksiar ia kane ka shnong ban kiew ha ki kam Jngohkai Pyrthei bad ba pyngngad.
Ban iathuh khana ka shnong Umkhoi ka la long kum ka Laitlum ba ar kaba don ki lum ba long riat ba ithiang kaba kham sngewphylla ia katei ka shnong ka dei ka jingdon ka kshaid Shum Shum ryngkat ki jaka pyngngad.
Ka UMkHoi ka 33 Kilomitar na Nongbah Shillong bad ha jingbun briew 200 tam katba ki tnum iing ki 40 iing bad kiba la nang la stad.