Shillong – U MLA ka Mawlai Konstituensi u bah Brightstarwel Marbaniang uba dei na ka Seng Voice People’s Party u la kubur ia ka sur jong ka seng kaba iathuh katkum ka riti treikam jong ka, kam shah ia uno uno u nongmihkhmat ban bat ar tylli ki kam, dei ban bat beit tang beit kawei haba iakren sha ki lad pathai khubor. Utei u MLA ka Mawlai u iathuh ma u ialade u ieng skhem ha ka nongrim um treh ban iakhun elekshon MDC na Mawlai un aiti sha kiwei ban iakhun namar ka dei ka kular ba u la dep khlei. Shuh shuh u Bah Brightstarwel Marbaniang haba bynrap kumba long mynta ka MDC ha Mawlai ka la pyn’khreh ban jied ia ki kyrtong hynrei ka shong pat ha ka State Party Elekshon ban peit pyrman iano ban ai. Haduh mynta hi ha Mawlai Konstituensi ki don haduh 7 Ngut ki nongpan tiket ban iakhun MDC na ka liang ka party kan sa peit bad khmih bniah ia katei kam namar ka party ka dei kaba don nongrim bad ki kam ba ka trei ka dei ka bha ka miat jong u Paidbah iathuh u Bah Brightstarwel Marbaniang.
