Shillong, Jymmang 29: Ki pulit ka East Khasi Hills ki la iohkem ia uwei u briew ba shah kynnoh ba donkti ha ka jingjia sngew lyngngoh kaba la jia ha Umsohsun, Shillong, ha ka taiew bala leit noh, ha kaba la kynnoh ba u la pynkhein ia ka burom da kaba weng ia ka jain jong kawei ka khynnah skul.
Katkum ka jingtip na ki pulit, une u briew uba dei na ka jylla Assam, u la shah kem na ka jaka Oakland, kaba jan sha Police Bazaar. U la ju trei ha kawei ka iing die jingbam ha sor Shillong.
Ki pulit ki dang pynlong ia ka jingtohkit bad khmih lynti ban ioh shuh shuh ki jingshai halor kane ka jingjia.U briew ba shet ktien la ioh kem ha ka CCTV haba u leh bein ïa ki khynnah skul ha Umsohsun; la rejistar da ka kyndon POCSO
La mih shabar kane ka jingjia sngewsih hadien ba la pynmih ïa ka CCTV footage na ka surok rit ha Umsohsun, kaba pyni ïa u briew ba shet ktien uba la leh bein ïa ki khynnah skul ba dang wan phai na ka skul. Kane ka video ka la saphriang kloi ha ki social media, kaba la pynmih ïa ka jingpyrshah na kylleng bad ka jingkhot ban pynkhlaiñ shuh shuh ïa ki lad jingiarap, khamtam ka jingdon jong ki CCTV ha ki shnong ba sah.
Ki pulit ki la rejistar da ka suo motu case hapoh ka Protection of Children from Sexual Offences (POCSO) Act, bad ka jingtohkit kaba bniah ka la sdang ban pynlong mynta.