Katkum ki khubor ki ba la ioh ban lum la iathuh Khlad 5 ngut ki briew ba kem ding kawei ka rel ha Bangladesh .Na kaliang ka tnat pynlip ding ki la iathuh ba 4 ngut ki briew ki la kem ding ha katei ka Benapole Express bad kiba la leit poi sha Dhaka na ka nongbah Jessore kaba don sha ki thaiñ West.U heh pulit Khandaker Al Moin haba iakren bad ki lad pathai khubor u la iathuh ba la ioh ban sei noh ia kitei ki 5 tylli ki metiap na katei ka jaka bad la ioh jingtip ruh na ki nongsakhi ba katei ka rel ka la kem ding ha Gopibagh.Shuh shuh la ioh jingtip ba ki pulit ki la suba ba ka jingkem ding jong katei ka rel ka long namar ka jingiakynad bad jingïashrut jong ki arliang kynhun hynrei haduh jong ka step Sngi Saitjaiñ ruh ki pulit kim pat shym la ioh kem ia kitei kiba don kti ha katei ka kam. ki pulit ki la suba ba ka jingkem ding jong katei ka rel, ka lah ban long namar ka kam dusmon bad ka jing thang khnang jong ki kynhun kiba don jingiashun bad kito kiba don ha katei ka rel.Uwei na kitei ki nongïarap ha katei ka jingjia, u la iathuh ha ki pulit ba da ki spah ngut ki briew na katei ka thaiñ ki la mih ban leit tan bad iarap pynkynriah ia ki briew kiba don hapoh jong ka rel tang mar ia iohi ia katei ka jingkem ding ha katei ka sngi.La iathuh ruh ba watla ki briew ki la ialeh ban pynkloi ia ka jingiarap, pynban katei ka ding ruh ka la kloi ban kem ding stet bad kaba la pynlong ia kitei ki 5 ngut ba kin duh ei noh ia ka jingim ha katei ka jingjia.
