Shillong, Lber 21 : U Bah Vincent H Pala President ka Meghalaya Pradesh Congress Committee myn ha 21 u Lber u la iathuh ba ka Congress kala khot ia u Nongialam ka Trinamool Congress (TMC) bad Myntri Rangbah barim ka Jylla Mukul Sangma ba un wan phai biang noh sha ka Congress.
U Bah Pala u la ong, la u Dr. Mukul un wanphai biang sha ka Seng Congress u kloi ban iehnoh ia ka Shuki President.
U Bah Pala u phla paidbah ba ka kynhun jong u ka la leit ia kynduh ia u Dr. Mukul bad kyrpad ia u ba un wan phai biang noh. “Nga la kren ia U Dr. Mukul ba un wan phai noh sha ka Congress” la ong shuh shuh u bah Pala.
“Ha Meghalaya, nga shimet bad ka kynhun ngi la iathir sani bha namar ngi tip ba ki Nongialam ka TMC kila iakren bad ka BJP la bun sien. Kala paw shai ba hadien ka elekshon, kiba bun ki nongialam ka TMC kin sa rung sha ka BJP. Namar kata, nga la batai ia ka High Command bad ki Nongialam jong ngi bad kila mynjur bad nga ba ngim donkam ban iatreilang hangne namar ka TMC ka dei ka team-B jong ka BJP. Ta ka daw ngi khlem iatreilang hangne” ong u Bah Pala.
Haba kylli, u Bah Pala ula ong ba ka jingiapher jingmut hapdeng jong u bad u Mukul Sangma kam don satia. Nalor kane, une u Heh ka Congress ula pynpaw ia ka jingsngew skhem ba ka Party jong u, kan leh kham bha ban ia ka TMC ha Ri-lum Garo ha kane ka elekshon ban wan.
