Ki Dohkha bam pylleng skaiñ pyrjong “Gambusia Affinis, larvivorous” ri ka Tnad Health

Haduh 14 ngut ki mynsiem briew ki la duhnoh ia ka jingim na ka jingpang
jingdait jong ki skaiñ pyrjong ne ka khieshohrih lane ka Malaria tang haduh u snem 2023.iathuh ka Dr. MK Sohliya, Deputy Director of Health Services (malaria) sha ki lad pathai khubor.
Ka Dr. Sohliya ka iathuh katkum ka repod ba la lum da ka tnad ka Koit ka Khiah haba iakhein jong u snem 2022 ka la duna bha ha u 2023 ha kaba jingduh noh ki mynsiem haduh u 2024 tang u Wei.
U Dr J B Khongbuh bad u K Wanshong, Entomologist Shillong zone ki iathuh ba ka tnad ka Koit ka Khiah lyngba shnat Malaria ka la wanrah ban pynduna ia ka jingdait jong ki skaiñ pyrjong ka la pyndonkam da ki dohkha bam skaiñ pyrjong ban kem ba la tip kum ki “Gambusia affinis, larvivorous”
Kitei ki dohkha ki long kiba rit bha ha kaba ka tnad ka theh khnang ha ki jaka rep jaka riang jong ki nongrep ba kitei ki dohkha kin bam ia ki pylleng jong ki skaiñ pyrjong.
U Bah K Wanshong u iathuh ka jingdon jong ki dohkha Gambusia larvivorous ka dei ka dawai Bah ia ka tnad ka Koit ka Khiah ban pynduna ia ka jingpang Malaria namar ba ka tnad ka ialeh ban pynroi ia kitei ki dohkha da ka ai ban theh ha ki um ki nala jong ki shnong.
Ka tnad ka la pynkha ia kitei ki dohkha ha Pilangkata, Nongpoh bad ki bun ki bynta jong ka jylla iathuh u Bah K Wanshng.
Katba ka Dr Sohliya, ka iathuh mynta ka jingpang Malaria ha Meghalaya ka la duna bha Malaria ban iakhein ha ki snem ba leit.
Kum shi bynta ban rakhe ia ka Sngi World Malaria Halor ka phang  “Accelerating the Fight Against malaria for a more Equitable World”. Bun ki prokram ba ka tnad ka leh ban pynduh jait ia ka jingpang Malaria ha u 2030.