Shillong – Ka seng Congress kadei ka ka la dei ka kot iathuh khanapateng ne ‘History’ bad ki paidbah kim shuh ban peit hynrei ki kwah ia ka lawei bad ka mynta bad kim kwah ban vote iaka histori.
Tang ka National People Party ka dei ka lawei jong ki samla bad ki paidbah iathuh u Myntri ka pule puthi ka jylla u Rakkam Sangma uba long ruh u Nongialam ka seng National People’s Party (NPP).
Utei u Myntri u iathuh, ba ka seng Congress kadei kum ka kot iathuh Khanna ka ‘History’ ki paidbah ki kwah ia ka lawei bad ka mynta bad kim kwah ban vote iaka histori.
Haba kynthah ia ka khubor jong u nongialam ka Congress u Bah Vincent Pala ha ka sngi Baar, ula ong ba ka sorkar pdeng hapoh ka jingialam ka seng Congress kaba la synshar ia ka ri India ba ka la theh bun bha ki kam pynropi ha ka jylla dei ka Kongress kaba la wanrah iaka NEHU, IIM Shillong, NIFT Shillong bad kiwei kiwei ki projek kam pynroi hapoh ka jylla ka long kaba shisha hynrei ka la dei ka khana ban sah pateng bad ki paidbah kim kwah shuh bad kim lah vote shuh ia ka seng Kongress namar ka la long jaka buh kot iathuh u Rakkam A Sangma.
Kaei kaba ka Congress kala leh kadei kaba la dep mynshwa, mynta kala don tang haka histori bad yn buh ia katei tang ha ki kot.
“To ngin ia buh ia kitei tang ha ki kot. Ki paidbah kim ju vote iaka histori, ki kwah ia ka lawei bad ia ka mynta”, ong u Rakkam.
Ula ong, ba ki paidbah khamtam ki samla kidei ban jied ia ka seng kaba kumno kin jied, ka seng aiu kaba lah ban trei bha bad ka seng kaba kumno kaba lah ban thaw ia ki lad aikam aijam.