‘Ki miet bym iohthiah ia kiba bun’: Ka jingshah pynrem jong u PM Modi ha ka kynhun INDIA halor ka jingdon jong u Thaoor, u CM jong ka Kerala

U Myntri Rangbahduh ka ri u Narendra Modi u la plie paidbah ïa ka kad liengsuiñ Vizhinjam ha ka nongbah Thiruvananthapuram jong ka Kerala ha ka sngi Palei 2020.
U Myntri Rangbahduh ka ri, u Narendra Modi, ha ka sngi Palei, ula thong ïa ka kynhun jong ka Liang Pyrshah, ka INDIA, ha kaba u la ong ba ka jingdon lang jong u Myntri Rangbah ka Kerala, u Pinarayi Vijayan bad u nongïalam jong ka Congress, u Shashi Tharoor, ha ka jingplie ïa ka kad liengsuiñ jong ka Vizhinjam, kan ai jingthiah lyngngai ïa kiba bun.
“Nga kwah ruh ban ong ïa u Myntri Rangbah ka Jylla (Pinarayi Vijayan), phi dei u mawjam ba khlaiñ bha jong ka jingïateh lok jong ka INDI (INDIA bloc). U Shashi Tharoor ruh u shong hangne, bad ka jingïalang mynta ka sngi kan ai jingthiah lyngngai ïa kiba bun,” ong u PM Modi. Halor kane, u Modi u la ong, “Ka khubor chala gaya jahan jana tha,” kaba mut, “Ka khubor ka la poi sha ka jaka ba la thmu ban poi.”
Ia ka kad duriaw jong ka Vizhinjam ha ka nongbah Thiruvananthapuram jong ka Kerala la plie paidbah da u Myntri Rangbahduh ka ri u Narendra Modi ha ka sngi Palei.
La pynwandur da ka Adani Ports bad ka Special Economic Zone Ltd (APSEZ), kane ka projek kaba ₹8,867 klur ka dei ka kad lieng kaba nyngkong eh jong ka India ban pynkit mar ha ka um kaba jylliew, kaba la shna khnang ban kyntiew ïa ka kyrdan jong ka ri ha ka jingkit mar ha ka pyrthei.
La tei hapoh ka rukom iatreilang jong ki paidbah bad ki riew shimet (PPP), ka kad liengsuin ka treikam ha ka rukom shna dur, shna, bei tyngka, pyntreikam, bad pynkylla (DBFOT). Da ka jinglah ban kit haduh 5 million TEUs ha ka shisnem, kane ka kad lieng ka la dep ban kit haduh 250 tylli ki lieng kit mar naduh ba ka la sdang treikam ha u bnai Jylliew ba la dep.
Ka India napdeng ki lai tylli ki ri kiba hakhmat eh na ka bynta ki nongleit jingleit duriaw, ong u PM Modi
U Myntri Rangbahduh ka Ri Modi u la pynpaw ia ka jingroi jong ka India ha ka liang ka duriaw, da kaba ong ba ka ri ka don ha ka kyrdan kaba lai tylli ha ka pyrthei ha kaba iadei bad ki nongleit jingleit.
Ha kine ki shisnem ba la dep, ka jinglah jong ka kad liengsuiñ jong ka India ka la kiew ar shah, ka jingtreikam ka la nangbha, bad ka por ban pynkylla ka la nang duna da 30 percent, u la bynrap.
Haba kren shaphang ka kad lieng jong ka Vizhinjam, u Modi u la ong ba la tei ïa ka ha ka jinglut kaba ₹8,800 klur, ryngkat ka jingthmu ban pynbun lai shah ïa ka jinglah jong ka transmission hub ha ki por ban wan.
“La shna ia ka ban pdiang ia ki lieng kit mar kiba heh, kaba pynbeit ia ka jingdonkam kaba kongsan. Haduh mynta, 75 percent na ki kam pynkit mar jong ka India la pynlong ha ki kad lieng jong ki bar ri, kaba la wanrah ia ka jingduhnong kaba khraw ha ka khajna jong ka ri,” u la bynrap.