Ka jingiakhih shong shah jingit jong ki samla pule ka skul bah NEHU mynta ka la long ha ka sngi ka ba 7 bad palat 169 kynta.
Kane ka jingiakhih ki samla pule, ba la lamkhmat da ka NEHUSU bad Ka KSU NEHU unit ka dei halor ban dawa wengkam ia u deputy registrar bad Officers on special duty (OSD) ba la kynnoh ba u vc u la thung sop sop kat kum ka mon jong u hi.
Ha ka 12 tarik Naiwieng 2024 haba ioh ban iakren bad u President ka KSU NEHU unit u la ong ba ka jingiakhih jongki ka long kaba don nongrim bad ka jingdaw jongki mynta ka long beit ba u VC u dei beit ban hiar shuki.
Shuh shuh ruh u la pynpaw ba ha kine ki sngi la don bun kiwei ki University, ki College ki ba la wan ban ai jingkynshan.
“Ngi pdiang sngewbha ia ki ba wan ai jingkyrshan ngi ai khublei ia ki, ngi kwah ruh tang kawei ka mat jingdaw kata ba hiar shuki u VC” la ong u samla Sandy Sohtun.