Shillong: U President ka Hynniewtrep Farmers’ Union (HFU), Bah Commander Shangpliang, u la ai ka jingpynshai halor ka bynta bad ka jingtreikam jong ka seng, da kaba ong ba ka jingdon ka HFU ka la iarap shikatdei eh ia bun ki paidbah nongrep ha ki bynta bapher bapher.
U Bah Commander Shangpliang u la ong ba ki nongrep ki dei ka pliang ja jong ka jylla bad ka long kaba dei ban burom bad ai kylliang ia ki.
“Ngim dei ban bein ia ki nongrep, namar khlem ki, ngin bam da kaei? Ki nongrep ki dei kiba khraw tam ban ia kiei kiei,” la ong u President HFU.
U la kdew ruh ba kum ka seng, ka HFU ka ju iarap ban buddien ia ka sorkar lada ki nongrep ki ia kynduh jingeh ha kano kano ka liang, khnang ba yn lah ban pynurlong ia ki jingdawa bad pynsted ia ki lad jingiarap.
Ha ka jingkren jong u, u la kyntu ia ki samla bad ki paidbah ban wat lehrain ban long nongrep, namar ka kam rep ka long ka bynta ba don burom ha ka imlang sahlang bad u nongrep u dei u nong pynbiang bam ia ka imlang sahlang hi baroh kawei.