Shillong – Kawei ka jingthoh kaba rah paidbah ha jingiaid rally rah jingsuk bad pynrem ia kiba pynbudnam sniew ia ka jylla Meghalaya ba ong “We Tribals Love All Guests, this is our tradition”. Dei ka sur pdiang sngewbha ia ki paidbah nongwan kai suwari sha ki thaiñ Sohra.
Katei ka kyntien kaba la khia thew bha ia ki paidbah ba wan rally myn ha ka 10 tarik u Jylliew 2025.
Ha jingsakhi lang u lad khubor da ki spah ngut ki paidbah ki la shim bynta bad lyngba kitei ki jingthoh plakad ka la ktah ia ka mynsiem jong ki longkmie kiba I’m kamai jakpoh ia ka iing ka sem.
. Ki paidbah kiba la iathuh ha ki u lad khubor ba ki sngewmong mynsiem ban iohi ba ki paidbah Sohra ki shah thad khlemraiñ.
Ki sur pynrem ka la sawa ha ki tyndong skhor jong ki paidbah naduh u Syiem ka Hima Sohra, u MLA ka Sohra u Bah Gavin M. Mylliemngap, u MDC u bah Titusstarwell Chyne bad ki bor district ki la shim bynta lang ban aikti lem bad ki paidbah.
Ka sur u paidbah ba iaid jar Jar kum ka dak ka jingpyrshah ia ka jingwan pynjaboh ki briew ia ki jaka jngohkai pyrthei da kaba pynlong ia ka jaka jngohkai ha Sohra kum ka jaka bret met iap
Ha ki jingthoh plakad ba la rah da ki paidbah Sohra la don ki ktien ba thoh ” Ba ki paidbah Sohra ki donlang bad ki nongjngohkai pyrthei bad Kim dei ki nongleh kam sniew.