Ki pulit ka jylla ki la ioh ban kurup kumba 676-gram u drok bad kumba 50 snep u kuli Nitrazepam kiba shongdor kumba T.1 klur. Halor kane ka jingjia ki pulit ki la kem ruh ia kumba 6 ngut ki briew kiba la suba ba ki donkti halor kane ka kam khaii drok.
Haba iakren ha ka jingialang bad ki nongthoh khubor mynta ka sngi u heh duh jong ka tnad pulit ka jylla, DGP U Dr. LR Bishnoi u la iathuh ba hadien ba la ioh jingtip kaba biang ba uwei u briew uba la tip kyrteng kumu Gary u wan kit drok na Jiribam sha Shillong lyngba ka Silchar ki pulit ki la pynlong ia ka jingap shrip ha kylleng ki bynta ka surok bah.
Na ka liang jong ki pulit ki la aibor ruh ia ka tnad ANTF ban pynlong ia ka jingkhynra bad ha ka jingiatreilang bad ki pulit jong ka Khliehriat kata ha ka por 3.50 baje mynstep la pynsangeh ia kawei bus kaba don ia u number B/R No. ML-05-L-7887 ha kaba la lap ba ki don 2 ngut ki khynnah khasi kiba shong ha kane ka bus bad uwei napdeng kine udei u Gary.
Hadien ba la pynlong ia ka jingtohkit ki pulit ki la lap ia kumba 676 gram u drok ryngkat bad ki kuli kumba 50 snep bad kine ki 2 ngut ki la phla ba uba la pynbiang ia ka pisa tyngka u dei uba la tip kyrteng kum u Marvin Jyrwa bad u ap ban pdiang ia kine ki drok ha mawryngkneng.
Kine ki 2 ngut kiba la wanrah ia une u drok na Jiribam ki dei u Garry Kharnaior 30 snem ka rta uba shong ba sah ha Mawlai Stand Bus bad u Kmenlang Shabong 20 snem ka rta uba shong ba sah ha Mawlai Matdawbaki.
Na ka liang jong ki pulit ki la bat ruh ia u Marvin Jyrwa ryngkat bad ki 3 ngut kiba iawan lang bad u kita ki long u Meibifil Buam 22 snem ka rta, u Khrawboklang Kharkongor 29 snem ka rta bad u Aiborlang Laitmon 28 snem ka rta.
Na ka liang jong ki pulit ki dang pynlong ia ka jingtohkit kaba bniah halor kane