Shillong – Kum ka jingpynneh pynsah ia ki jingdon jingem jong ka Mei Mariang kaba u Blei u la ai ha ngi ia ka spah bah ka Syrwet Mawlam kaba hap ha ka Raij Mawlieh, Hima Khyrrim Syiemship ka la wanrah ia ka jingpynneh ia ki dieng Jri kiba don ha ka jylla.
Kane ka Shlem jingtip kadei ka shlem ban ai jinghikai haba iadei bad kumno ban pynneh pynsah ia ki jinghikai ia u longshwa mynshwa bad ka kolshor.
U Bah Pyniaid Sing Syiem CEM ka KHADC u long u kongsan ban plie ia katei ka Shlem Ai Jinghikai ha ka Shnong Mawlam u la bynrap Ia kane ka Community Led Landscape Management Project la don bynta lang da World Bank.
Ia katei ka jingpynneh ia ki diengjri ha Riwar ka long ban ioh rung kum ka Heritage ha ka UNESCO da ka jingtrei shitom jong ka Seng kynhun ki nongpynneh Diengjri ki la lah ban shna ia ka Shlem Ai jingtip bad jinghikai ia ki samla bad ia ki paidbah ka Jylla.
Ka Council kaba dei kaba khmih na bynta ban iada ia ka riti dustur bad ban pynneh pynsah ia ki jinghikai tynrai iathuh u CEM
U bah pyniaid u la ong ba ki riew hyndai mynshwa kim donkam ban don da ka ain ban iada ia ki riti dustur hynrei tang ka ktien ka la biang.
La donlang ruh u Senior Environment Specialist ka World Bank u Piyush Dogra,Environment Specialist, The World Bank, na ka sorkar Jylla ia katei ka kam la lamkhmat da u Sampath Kumar IAS bad u Gunanka DB, IFS APD CLLMP. u Sordar ka Raid Marwet lem bad ki paidbah nongshong kane ka thain.
