Ki shipai Baloch Liberation Army (BLA) ki la shim ia ka jingkitkhlieh halor ka jingshah thombor kaba la

Ki shipai Baloch Liberation Army (BLA) ki la shim ia ka jingkitkhlieh halor ka jingshah thombor kaba la pyniap briew kaba la donkti da u tiar pynbthei ba la pyniaid na jngai uba la ther ia ka kali shipai jong ka Pakistan ha ka thain Margat hajan Quetta.
Katkum ka kyrwoh ba la pyllait paidbah da u nongaiktien ka BLA, u Jeeyand Baloch, la iathuh ba katei ka jingbthei bom, ka la pynpra ia kawei ka kali shipai, kaba la pynlong ia ki shipai jong ka Pakistan ban iap. Ka kynhun ka la ai kyrteng ïa katei ka jingshah thombor kum shi bynta jong ka “jingpyrshah” kaba dang ïaid shakhmat pyrshah ïa kaei kaba ka khot “ki bor synshar” ha ka thaiñ Balochistan.
Kane ka jinghiar thma ka long hadien ka jingkhynra kaba heh jong kane ka kynhun ha u bnai ba la dep, ha kaba ki BLA ki la knieh ia ka Jaffar Express kaba don ha Bolan District. Kata ka jingjia ka la pynlong ïa ki 25 ngut ban ïap hadien ba ki lehnoh ki la pynbthei ïa ki tiar pynbthei ha ki lynti rel, kaba la pynhap ïa ki katto katne ki kali rel bad kaba la pynsahkut shi bynta ïa ka engine hapoh kawei ka thliew. Ki don 339 ngut ki nongleit nongwan kiba la shah bat kum ki nongshah rahbor ha ka por ba shah ker kut.
Katba ki bor synshar jong ka Pakistan kim pat ai kano kano ka jubab kaba shai halor katei ka jingbthei IED kaba dang shen, ki tyllong khubor ki pynthikna ba ka jingtohkit ka dang iaid.