Khliehriat, Risaw 17, 2025: Ha ka khyllipmat ba kongsan na ka bynta ka jylla Meghalaya, mynta ka sngi la plie paidbah ïa ka 1st Scientific Mining Coal Block ha Meghalaya ha ‘Saryngkham-A’ Coal Mine, Byndihati, East Jaiñtia Hills District ha ka video lyngba ka prokram jong u Myntri Rangbah ka Jylla u Conrad u S. Byndihati ha ka jingiadon lang u Myntri ka kynhun myntri u Ma Kyrmen Shylla, MLA ka Sutnga-Saipung, ka kong Santa Mary Shylla kaba dei ka dkhot nongkitkam ka JHADC, u Ma Hambertus Nongtdu, u Deputy Commissioner jong ka East Jaiñtia Hills District, u Shivansh Awasthi, u Superintendent of Police jong ka District, u Giri Prasad, bad ki paidbah ka thaiñ. Ha jingïalang, u Myntri Rangbah ka Jylla Meghalaya, u Conrad K Sangma u la ai khublei ïa baroh ki nongshim bynta ba kynthup ïa ki heh sorkar, ki trai par mawshun, kiwei kiwei ki nongaplai ban tih mawshun, u trai jong kane ka jingaiwai tih mawshun kyrpang, kata u Dapmain Shylla na Byndihati kiba la noh synñiang baroh ha kaba pynlong ïa ka jylla ruh kum ka jingstad saian jong ka Meghalaya. ki 10 haduh 11 snem ba la dep ki la long kawei na ki snem kaba eh tam na ka bynta shibun ki nongshong shnong jong ka jylla khamtam kito kiba ïadei beit bad khlem da ïadei bad ka kam dewiong kiba la ïaid lyngba ki jingeh kiba khraw ha ka liang ka pisa tyngka. U Sangma u la pynkynmaw ba ha u snem 2018 haba u la long Myntri Rangbah ka Jylla ha ka sien kaba nyngkong, da kaba ïalam ïa ka Sorkar MDA, ïa ka mat jong ka jingkhang tih dewïong la buh hakhmat eh da ka sorkar.
U myntri rangbah u la ong ruh ba ka jingpynthikna ban pynthikna ba kiwei pat ki nongaplai kin ioh ia kajuh ka jingbit ban tih mawshun bad ba kin lah ban sdang ia ka jingtih mawshun ha ka rukom kaba stad saian ka dang iaid shakhmat. “Ka long kaba eh bad kaba eh bha na ka bynta uwei ne ar ne lai ngut kiba nyngkong na ki, namar ki ïaid ha ka jaka bym pat ju tip, khlem da tip kiei ki jingeh kiba lah ban mih kynsan bad pynslem ïa ka jingïaid lynti, hynrei mynta ba la don lypa uwei uba la kynriah bad ïohi ïa baroh, mynta kan sa kham suk ïa kiwei pat kiba la kynriah shadien namar ba ki don shadien na ka bynta ki bym don, way bad ki la lah mynta ban pyni sha kiwei ba kumne ngi hap ban bud ia ka rukom treikam”, u la ong. U la ong ruh ba ka Meghalaya ka don shibun ki jingeh, nalor ka liang ka teknoloji, ngi don ïa ka hok khyndew bad ki rukom bat khyndew kiba pher bha na kiwei pat ki bynta jong ka ri, bad kumta ki jingpynbeit bapher bapher, ki jingeh bapher bapher ki la mih khnang ba ngin lah ban pynlong ïa kane ka jingtih mawshun kyrpang kum ka jinglah bad kumta ka la shim por kham bun ban ïa kaba ngi la khmih lynti. u la pynkynmaw biang ba ka sorkar kan pynshlur ia kiwei ruh ban aplai khnang ba kane kan long ka rukom treikam kaba man ka sngi.
Katba ka MLA ka Sutnga Saipung ka Smti. Ka kong Santa Mary Shylla ha ka jingkren ka la ai khublei ïa u Myntri Rangbah ka Jylla ha uba hapoh ka jingïalam jong u ka rukom tih dewïong da ka saian ha ka jylla Meghalaya ka la long kaba shisha bad pynpaw ka jingkyrmen ba ka jingangnud ban pynkylla ïa ka Meghalaya sha ka ïoh ka kot kaba 10 billion dollar ha u snem 2028 kan long kaba shisha hapoh ka jingïalam jong u. Deputy Commissioner ka East Jaiñtia Hills District, u Shivansh Awasthi bad u MLA barim ka Khliehriat u Justin Dkhar.