Kylla Lyngkot 02 tarik 2024 : Ka Tnad Meghalaya Rural Bank (MRB) Mawkdok ka la long tang ma ka na ki Bank kaba ai jingshakri ia ki paidbah ban sei ban thep pisa bad ki jingdonkam jong ki skhim sorkar. Ki paidbah ka thaiñ Mawkdok, Khatarshnong, Laitkroh, Kyrdem Kulai, Kongthong bad kiwei kiwei. Katei ka Bank Nongkyndong ha Mawkdok bad ki nongtrei katei ka Bank ki long kiba ai jingshakri bha ia ki paidbah wat long ki duna nongtrei. Na ka Liang ki paidbah kiba wan sha katei ka Bank ki ioh jingshaniah bha na ki nongtrei namar kim kheiñ ia ka met, jingkoit jingkhiah tang ban pyndep ia ki paidbah ban wan donkam namar ki wan na ki shnong ban hap iaid da ka kjat bun kynta. Ha ka jingiakynduh u Lad pathai khubor bad ki paidbah ka Mawkdok bad Laitkroh Block ki pynpaw ka jingsngewkhia bad isynei ia u Branch Manager jong ka Meghalaya Rural Bank (MRB), Mawkdok Branch ban pynsngew ha ka ïa ki jingeh jong ki paidbah ba ki ju ïa kynduh ha kaba ïa dei bad ki kam hapoh kane ka Bank bad ban kyrpad ruh ban nang pynbun ïa nongtrei. Ki paidbah kiba wan donkam ha Bank ki la lut por noh baroh shisngi tang I kam barit ba duna nongtrei wat u Branch Manager u Ma F. Rymbui u hap long Cashier ban pynbiang ia ka jingdonkam u paidbah ban iarap lang ia ki nongtrei. Kitei ki paidbah ki pynsngew ha ki bor ba halor ban nang pynbun shuh shuh ïa ki nongtrei ha kane ka Bank khnang ba ki briew kiba ju pyndonkam ïa kane ka Meghalaya Rural Bank kin ymduh ïa ki sngi ki por ban wan pyndep ïa ki kam kiba ïa dei bad ki kam Bank namar ba bun ki briew kiba wan donkam ha kane ka jaka bunsien kim lah ban pyndep ïa ki kam tang ha ka shi sngi tang namar ka la khapngiah shaba palat na ka daw ka jingbun briew, bad kane ka pynduhnong shibun ïa ki paidbah bad ka ktah ruh ïa ka leit ka wan khamtam ïa kiba na jngai ki shnong.
