Shillong, K’lyngkot 24 : Ka Sorkar MDA ka khlem aplai ban pan jingbit bad ka khlem bud ia ka kyndon ba ka lah ban pynlong jingialang ha USTM myn ha ka 22 tarik u Kyllalyngkot iathuh u Conrad K Sangma sha ki lad pathai khubor hadien ba la mih ka khubor ba ka sorkar ka khlem ai jingbit ia u Rahul Gandhi ban ioh lum jingialang ha USTM Ri-bhoi District.
U Conrad K Sàngma u saitkhuid ialade ba um don jingtip satia ba khlem ai jingbit ban pynlong ia ka prokram u Nongialam ka Congress Rahul Gandhi ha Ri-Bhoi District.Dei tang ka kyrdan ki District da u Deputy Commissioner ban ai jingbit haba batai sha ki lad pathai khubor.
Shuh shuh u Myntri Rangbah u iathuh kat kum ki kot ki sla ba ula pan, la sngewthuh ba ka Congress kam shym la pan jingbit ban pynlong ia ka prokram lane aiti ia ka NoC la ka dei na u Rangbah Shnong lane na ka USTM, kiba dei ki jingdonkam ba kongsan bha kat kum ki kyndon kiba don ha ki District ban pynlong ia kano kano ka prokram.