Shillong, Lber 21: U Bah Prestone ula ther tyngeh ia u Nongialam ka VPP da ka ba ong ba u Bah Ardent u la kam ba dei tang ka party jong u ka ba ieid jaitbynriew.
Utei u President NPP ula kob ia ka Voice of the People Party (VPP) ban sa sei ia ki sakhi satar/kot pynshisha (blue print) ban pynshisha halor ka jingieid jong ka ia ka ‘Jaidbynriew’.
Haba kyntu ia ka VPP ba kam dei ban shu pynsyrwa kai ia ka por ha kaban pynbiej ia ki paidbah ha ka kyrteng ka Jaidbynriew, u nah prystone u la buh jingkylli aiu u bah Ardent u la leh ha ki 11 snem ba u la long kum u MLA.
U Bah Prestone ula pynkynmaw ruh ba u President ka VPP ula ialam ia ki paidbah ban mih surok pyrshah ia ka kam ba iadei bad ka Building Byelaw ha ka por jong u Mukul Sangma kum u Myntri Rangbah ka Jylla bad ong “Hynrei ka jingiakhih kala shu kut syndet khlem da poi shano shano ruh”
Nalor kane, u Bah Prestone ula ther tyngeh ruh ia u President ka VPP (Ardent M Basaiawmoit) halor ka jingkynthoh pyrshah ia ki Nongialam Niam, ki Nongialam Balang, ki Nongialam Sengbhalang bad ki Nongialam seng sain pyrthei bad pynman ialade kum u briew uba ‘Khuid eh”.
