Shillong – Imat kita ki Seng riewlum ki kwah shong rel palat namar ba ki kwah lynti rel ban wan kloi ha Ri khasi Jaiñtia iathuh u Bah Lambokstar Marngnar President ka KSU ha ka jingbuh syntiew ia ka jingdap 161 snem jong ka jingkhlad noh u Kiang Nongbah ha Mot sahnam ha Civil Hospital Shillong myn ha ka 30 tarik u Nohprah. Ha ka jingdap 161 snem u Woh Kiang Nongbah uba dei u Nongialam bad rangialeh jong ki Khasi Jaiñtia Pnar ban lait ka jingthom bor ha ki shipai phareng kiba la synshar ia ka ri India. Shuh shuh ha ka jingbuh syntiew ba la Ialam da u President ka KSU u samla Lambokstar Marngar u la Pynpaw ia ka jingbynniaw ki seng riewlum kiba kwah lynti rel, ha ka jingshisha ki dei ban iada ia ka jaid bynriew pynban ki kwah ban pynklang ia ka ding sha ki khun samla. Ka KSU ka kwah ia ka Sorkar ban iada shwa ia ka jinglong tynrai ban iada ha ka ban pynbha ia ka a pule ka dangle kumjuh ban ai kam ia ki samla ba khlem kam khlem jam, bad kyntiew ia ka roi ka par da khongpong ki seng riewlum ki kwah lynti rel namar ba ki kwah shong rel pynsngew u samla Lambokstar Marngar. Lada ka sorkar ka KWAH lynti ka dei ban shim jingkitkhlieh lada Klang ka ding.
