Shillong – Ha ka Sngi kaba 7 jong ka Dorbar Mang Tyngka ka 10 tarik u Lber ki dkhot jong ka Iing Dorbar Thaw Aiñ baroh kawei ki dang iatai ia ka bha ka miat jong ki paidbah ka jylla na ka bynta ka ioh ka kot.
U Lamphang ka Iing u Thomas A Sangma katba u dang pyniaid ryntih ia ka Dorbar ban ailad ia ki dkhot ban bynta lem namar ba thmit ka por kumta u Lamphang ka Iing u aipor ban kren lyngkot ka por ba la pynbeit haduh 1.30 Nohphaisngi.
Kynsan kynsan ieng u Bah Lahkmen Rymbui ban kynrup ktien katkum ka Meghalaya Assembly Budget Proceeding Rule 300(2) ka shah bad dei ban ailad ia ki dkhot MLA ban iakren iatai ia ka pisa u paidbah ka jylla namar ma ki kiba la jied ia ki ban wan ha Iing Dorbar Thaw Aiñ.
U Lahkmen Rymbui u pynksan beit ka jingai por lyngkot palat u Lamphang kan pynduh nong ia ka jylla bad ia ka sorkar namar ka dei ka Dorbar Mang Tyngka.
Katba u Lamphang u Thomas A Sangma um ailad ia u Bah Lahkmen Rymbui u ieng beit ia kaei kaba la dep ban iakren ha Iing Dorbar Mang Tyngka kaba la dep myn Sngi Thohdieng ia kaba u Lamphang u la dep ailad ban iatai hynrei bun ki MLA ki la phet lut ki la pynthylli ia ka Jaka Shong.
Ka jingiania ban ai por kham bun ia ki MLA la kyrshan da u Dr. Mukul Sangma ban pyniap nia ia u Lamphang ha kaba khadduh la pdiang ia ki jingai jingmut.
