Halor ka jingiap jong iwei I khunlung ba dang kha bad halor ka jingkynnoh ka jingbym biang ka jingsumar ba ka rukom ai ai dawai ha CHC Bhoi Rymbong na ka liang jong u Antor News u la ioh ban iakren bad ki doctor kiba dei khmih ia kane ka jaka sumar.
Na ka liang jong U Dr. T.Sutnga uba dei u Nongpeit jong ka CHC Bhoi Rymbong haba iakren bad U Antor News u iathuh ba, ka Kong Liza Mary Marbaniang ka wan la wan shah sumar ha Bhoi Rymbong CHC ha ka 14 tarik Nailar ha ka por 11.30 mynmiet.
U Dr. T. Sutnga u iathuh ba ka jingong jong ka Iing ka sem ka kong Liza Mary Marbaniang ba ki bor pyniaid ài jingsumar bad ki doktor ki ài dawai Blood Pressure ia katei kaba armet haduh 17 sien khlem da peit bha kam long kaba Shisha.
Ha kawei pat ka liang ka kong Mary Marbaniang ryngkat bad kiba haiing hasem ha ka 19 tarik nailar ki la leit sha CHC Bhoi Rymbong na ka bynta ban leit pan ia ki kaiphod na ki bor sumar jong kane ka CHC halor ka rukom sumar bad jingai dawai ha kitei ki sngi ba ka dang shah sumar bad ap ban kha.
Lah ban kdew hangne ba kane ka CHC ha Bhoi Rymbong dangshen ka la ioh ia ka khusnam kum kawei na ki jaka kaba biang bha ban ai ka jingsumar.