Shillong, 15 Nailar 2025 – U Myntri Rangbah ka jylla Meghalaya, Conrad K. Sangma, mynta ka sngi u la kyntiew ia ka lama ka Ri India ha Polo Ground kum shi bynta ka jingrakhe ia ka lyngkhuh snem ba 79 ka sngi laitluid ka Ri.
Ha ka jingshim salute da u Myntri Rangbah ia kaba la synran da ka DGP ka Jylla ka Kong I. Nongrang IPS, la iadonlang ki heh sorkar, ki ophisar ka tnat pulit, ki nongshong shnong bad ki khynnah skul kiba la pynkup burom da ka jingrwai parom, ka jingrwai na ka bynta ka Ri bad ka jingiaid marsyndon. U Myntri Rangbah ha ka jingkren jong u u la ban jur ba ka jinglaitluid ka dei ka jingai sngewbha na ki riewkhraw ba la iap lut ha ka jingialeh ban ioh ka Ri kaba laitluid, bad kum ki nongshong shnong ngi dei ban sumar bad pynneh ia ka.
Ia ka jingiaid parade la shim Commander da u Additional SP u Bah Aiban Diengdoh MPS
Ka sngi rakhe ha Polo Ground ka la long kaba shongkun da ki jingpynbyrngia, jingialehkai bad ka jingiaid lympung da ki kynhun na ki tnat bapher bapher.