Kyntu u MP ia ki paidbah ban iatreilang bad ka tnad Pynmih Bording ban biang ban bit ka jingdonkam jong ki

Shillong 29 tarik Jymmang – U Dkhot ka Iing Dorbar Thaw Aiñ ka Ri India Lok Sabha na Shillong Parliamentary u Dr. Ricky AJ Syngkon u la lum ka jingialang iia baroh ki MLA bad ia ka tnad bor pyniaid ka Meghalaya Power Distribution Corporation Limited (MePDCL) halor ka Revamped Distribution Sector Scheme (RDSS) jong ka sorkar India ha State Convention Center myn ha ka 29 tarik u Jymmang.
Ha ka jingialang ba la lum da u MP ka long ka jingpyrshang ka sorkar India ban pynbeit ia ki jingtyngkhuh jingeh ki nongshong shnong halor ka jingduh bording elektrik, iathuh Dr Ricky AJ Syngkon, sha ki lad pathai khubor.
U MP ka Shillong Parliamentary u la ong ba ka jingthmu kane ka skhim ka dei ban pynpoi bording elektrik sha baroh ki nongshong shnong kiba don ha sor ne nongkyndong bad ia kiwei pat ki jingmyntoi kiba ka jylla ka lah ban ioh na katei ka skhim.
Shuh shuh u bynrap ka jingialang ba u lum ia kaba u la ai jingiaroh ia ka tnad Pynmih Bording ka jylla ba ka la lah ban pyntyllun ia ki kam jong ka ha ka jingialang u CMD u Sanjay Goyal IAS.
Ka Tnad ryngkat bad ki bor pyniaid ka Meghalaya Power Distribution Corporation Limited (MePDCL) halor ka Revamped Distribution Sector Scheme (RDSS) jong ka sorkar India ki la mir jingmut ia ki skhim projek jong ka Sorkar India ba dei ban pyntyllun bha na ka bumta ka jingbit jingbiang u paidbah.
U Dr. Ricky la kyntu pat ia ki paidbah ba kin long kiba kylluit mynsiem lada ka MeECL ka donkam ia ka jaka jong ki ban buh transformer bad kim dei ruh ban thok ia ka jingdonkam bording jong ki haba ki tan bording.