Shillong, 8 Nailar 2025 —
U MLA ka Nongpoh Constituency, Bah Mayralborn Syiem, u la pynpaw ba u don ka thong kaba skhem ban pyntrei noh kloi ïa ka surok Nongpoh–Umden, hadien ba ka Sorkar MDA ka la dep ai ïa ka jingkyrshan pisa (sanction) na ka bynta kane ka projek ba kongsan.
Utei u MLA u pynpaw ia u Symbud Myntri Rangbah ka Jolla bad Myntri tnad PWD Road u Bah Prestone Tynsong uba la wan hi da lade ban plie.
Shipor katei ka surok ka la jot rathai bad la mih ka jingiakhih paidbah ha kaba ka kong Bindas Syiem ka la mih ban shah thngan ha Nongbah Shillong.
Ha , ka jingpynbha ïa ka surok Nongpoh–Umden ka dei hapoh ka jingpyniaid jong ka Public Works Department (PWD – Roads), kaba la pynkhreh ban pynheh ïa ka surok sha ka kyrdan Intermediate Lane da ka jingiar ba 5.5–7.0 meter. Kane ka jingpynheh lane widening ka kynthup:
U MLA ka Nongpoh haba ioh ban iakren sha ki lad pathai khubor ka kam jingtih bad jinglur ban pynbeit ïa ka madan surok ba dei dur la iaid shakhmat.
Ka jingshna sub-grade bad sub-base da ki material ba biang kum ka WMM (Wet Mix Macadam).
Ka jingshna bituminous surface kum ka DBM (Dense Bituminous Macadam) bad BC (Bituminous Concrete) ban pynneh ïa ka dur surok.
Ka jingpynskhem ïa ki parapit (shoulders) bad ki drainage ban ym shah ki slap pynjaboh.
Ha kaba iadei ha ka jinglut jingsep jong kane ka projek ka long kumba T. 50.53 klur na Nongpoh sha Umden, bad T.47.20 klur na Umden sha Sonapur hapoh ka PMGSY-III. Katkum ka kontrak, ka por ba ai ban pyndep ka long hapdeng 18–24 bnai, hynrei u MLA u la buh thong ban pyndep shwa ka por ba la buh.
U Bah Mayralborn u la ong ba ka jingtrei mynta ka la ïaid shakhmat, ki kontraktor ki la dep ban pynkut ïa ka bynta site clearance, jingtih, bad ka jinglur, bad mynta ka jingpynheh bad jingpynkhuid ka madan surok ka la sdang ha ki bynta bun. U la ai ka jingiaroh kyrpang ïa ki nongsynshar shnong lem bad ki paidbah kiba la ïa treilang ban ai jaka bad ym buh jingeh ha ka kam pynkha ïa ka surok.
Kane ka surok ka dei ka lynti kaba pynïasoh ïa ki bynta ba kongsan jong ka Ri-Bhoi sha ka khappud Meghalaya–Assam, bad ka jingpynbha ïa ka kan iarap ban kyntiew ïa ka khaii-pateng bad ka ïaid ka ieng jong ki paidbah.